Кўйлак учун 4 млн доллар! Қизил йўлакда қимматбаҳо либослар билан кўриниш берган юлдузлар (фото)

Ушбу кўйлакларнинг баҳоси ҳашаматли автомобиль ёки океан соҳилида жойлашган уйга тенг. Афсуски, улар қимматбаҳо бўлмасин, барчасининг ҳам кўриниши бу каби тасаввурни бермайди.

Женнифер Лоуренс − 4 миллион доллар

2013 йил «Энг яхши актриса» номинацияси бўйича «Оскар» мукофотига лойиқ кўрилган Женнифернинг ушбу қиёфаси барча рекордни янгилади. Томошабинлар узоқ вақт мобанида актрисанинг мазкур либосини унутмаслиги аниқ. Бу нафақат либос нархи ва дизайни билан, балки унинг нотўғри бичими билан ҳам боғлиқ. Тақдирлаш маросимида бошловчилар актрисани саҳнага таклиф қилганида, у зинапояда йиқилиб тушган эди. Балки Женнининг ўзи ҳам буни унута олмаса керак.

Шарлиз Терон  − 100 минг доллар

Худди шу йили Шарлз ҳам қизил гиламда Christian Dior’нинг 100 минг долларлик либосида намоён бўлди. Чиндан ҳам унинг либоси бир қарашда кўринадиган даражада оддий эмас. Кўйлакка қўл меҳнати ёрдамида юзлаб кристаллар билан ишлов берилган. Шунингдек, юлдуз фақатгина кўйлак билан чекланиб қолмаган. Унинг олмос билагузуги ҳам тасвирни янада бойитган ва бу унга 4 миллион долларга тушган.

Люпита Нионго − 150 минг доллар

6 минг дона марварид билан безатилган кўйлакни 2015 йилда Люпита кийишга муваффақ бўлган. Албатта, либос нархи ёки дизайни унга шон-шараф келтирмаган. Аммо «Оскар» тақдирлаш маросимидан сўнг ўғирлаб кетилган. Ўғрилар эса ҳеч қачон полиция қўлига тушмаган.

Кейт Бланшетт − 200 минг доллар

2007 йилда бўлиб ўтган «Оскар» мукофотининг тақдирлаш маросимида энг ҳашаматли кийинган аёл мақоми Кейт Бланшеттга насиб этган. Юлдуз қизил гиламда қимматбаҳо тошлардан тикилган ва баҳосига арзийдиган дизайндаги либосда намоён бўлган.

Николь Кидман − 2 миллион доллар

Ушбу либосни Николь 1997 йилда бўлиб ўтган «Оскар» маросимида кийган. Актриса маросимга шунчаки Том Круз билан ташриф буюрган, аммо у кечанинг асосий юлдузига айланган. Сариқ рангли ипак либос актрисага нафақат замонавий, балки таниқли шахс номини ҳам берган.

Кейт Уинслет − 100 минг доллар

2007 йилги «Оскар» мукофотининг тақдирлаш маросимида оддийгина кўринишда бўлган актрисага либос 100 минг долларга тушган.

Перис Ҳилтон − 270 минг доллар

Маълумки, Перис ҳашаматсиз яшай олмайди. У 2017 йилда Hollywood Beauty Awards маросимига 50 мингта Swarovski тош билан безатилган либосда ташриф буюрган. Чиндан ҳам унинг бу либоси кечада бошқа юлдузлардан кўра кўпроқ порлаганини тахмин қилиш мумкин.