Gollivud aktyorlari qaysi Bollivud yulduzlari bilan bir kinoda rol ijro etishni orzu qiladi? (foto)

Hind aktyor va aktrisalarining Gollivud yulduzlariga fanatlik qilishi va ular bilan birga suratga tushishni istashi haqida ko‘p bor eshitganmiz. Ammo Gollivud olami vakillari ham Bollivud ijodkorlariga muxlis bo‘lishi, ular bilan bir loyiha ustida ishlashni xohlashi mumkin.

Jan-Klod Van Damm — Ayshvariya Ray

Dunyoning eng go‘zal aktrisalaridan biri hisoblangan Ayshvariya, iste’dodi bilan ko‘plab Gollivud yulduzlari, xususan, Jan Klod Van Dammni ham lol qoldirgan. Intervyulardan birida Bollivud haqida savol berilganida aktyor, “Devdas”ni tomosha qilgani va Ayshvariyaga maftun bo‘lganini bildirgan. “Men chin qalbdan Hindistonga borishni va u yerda film suratga olishni istayman”, — degan Van Damm.

Tom Kruz — Sonam Kapur

Sonam Kapur moda sanoatining eng yorqin vakillaridan biri hisoblanadi. “Uddalab bo‘lmas topshiriq”ning taqdimoti sabab Hindistonga borgan Tom Kruz, hind kinolarini juda ham yaxshi ko‘rishi va ulardan birida suratga tushishni istashini ta’kidlaydi. Aktyor Sonamning ashaddiy muxlisi. Yulduzlar 2009-yilda Mumbayda tanishgan.

Jerard Batler — Priyanka Chopra

2000-yilda “Dunyo go‘zali” deb topilgan Priyanka, 2018-yilda amerikalik xonanda Nik Jonas bilan turmush qurgan. Ungacha uning qalbiga yo‘l topishni istaganlar orasida Jerard ham bolgan. 2009-yilda aktrisaga oshiq bo‘lgan Batler, unga turmush qurishni taklif qilgan, hatto. Aktyor Priyanka AQShda vaqti u bilan uchrashish uchun reysini o‘tkazib yubormoqchi bo‘lgani haqida gapirib bergan.

Silvester Stallone — Salman Xon

Bollivud yulduzi Silvester Stallone kim bilan ishlashni xohlashi haqidagi savolga Salmon Xon deb javob bergan.

Deniel Redkliff — Shoxruh Xon

“Garri Potter” roli bilan yaxshi tanish bo‘lgan aktyor, Bollivud qirolini yaxshi ko‘rishi haqida ko‘p marta takrorlagan. Shoxruh Xonning ashaddiy muxlisi bo‘lgan Deniel, rollarni ijro qilishda undan ilhomlanishini ma’lum qiladi.

Kim Kardashyan — Salmon Xon

Realiti-shou yulduzi Kim, intervyulardan birida Shoxruh Xonni yaxshi ko‘rishi, ammo unga ko‘proq Salmon yoqishini ma’lum qilgan.

Kristen Styuart — Ritik Roshan

“Sumerki” yulduzi Kristen o‘g‘il farzand dunyoga kelsa, u Osiyoning eng kelishgan erkaklaridan biri Ritikkao‘xshashini juda ham xohlashini bildirgan.

Robert Pattinson — Shoxruh Xon

“Sumerki”ning boshqa bir yulduzi esa Shoxruh Xonga fanatlik qiladi. “O‘g‘irlanmagan kelin” filmini ko‘rgan aktyor, uni Bollivudning eng yaxshi filmlaridan biri deb hisoblaydi. U Shoxruh Xon bilan birga Bollivud filmida bajonidil suratga tushishini ta’kidlagan.