Farg‘ona viloyati Rishton tumanida Malibu va velosiped ishtirokida yo‘l-transport hodisasi sodir bo‘ldi, deb xabar beradi viloyati IIB axborot xizmati.
Ma’lum qilinishicha, 22-fevral kuni fuqaro H.A. boshqaruvidagi Malibu rusumli avtomashinasi To‘qimachilar ko‘chasida ketayotib, qatnov qismini velosipedda kesib o‘tayotgan O‘.M.ni urib yuborgan. Oqibatda O‘.M. tan jarohati olib, hodisa joyida vafot etgan.
Mazkur holat yuzasidan Rishton tumani IIB huzuridagi tergov bo‘linmasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, tergov harakatlari boshlangan.
Avvalroq Karmanada Cobalt urib yuborgan velosipedchi halok bo‘lgani, Andijonda esa Nexia haydovchisi velosipedchini urib yuborgani to‘g‘risida xabar berilgandi. Mavzuga doir:
