Фарғона вилоятининг Данғара туманида Lacetti ва велосипед иштирокида йўл-транспорт ҳодисаси содир бўлди. Бу ҳақда «Дарё»га вилоят ИИБ ахборот хизмати хабар берди.
Маълум қилинишича, 2021 йилнинг 8 апрель куни фуқаро Н.Ё. бошқарувидаги Lacetti Тошкент кўчасида кетаётиб, йўлнинг қатнов қисмини велосипедда кесиб ўтаётган А.Б.ни уриб юборган. Оқибатда А.Б. тан жароҳати олиб, шифохонада вафот этган.
Ҳолат юзасидан Данғара туман ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Айни пайтда тергов ҳаракатлари давом этмоқда.
Эслатиб ўтамиз, аввалроқ Яккасаройда Lacetti, Damas ҳамда Spark иштирокида ЙТҲ содир бўлгани, Жиззахда эса юк машинаси ва 2 автомобиль иштирокидаги ЙТҲ оқибатда 1 киши вафот этгани ҳақида хабар берилганди.
Изоҳ (0)