Ўзбекистонда коронавирусга чалингани расман тан олинганлар сони 83 935 нафарга етди. Соғлиқни сақлаш вазирлиги маълумотларига кўра, 5 апрель куни мамлакатнинг 12 та ҳудудида жами 133 та касалланиш ҳолати аниқланган.
Янги касалланиш ҳолатларининг
- 2 нафари Қорақалпоғистон Республикасида,
- 3 нафари Андижон вилоятида,
- 1 нафари Бухоро вилоятида,
- 4 нафари Навоий вилоятида,
- 2 нафари Наманган вилоятида,
- 16 нафари Самарқанд вилоятида,
- 2 нафари Сирдарё вилоятида,
- 2 нафари Сурхондарё вилоятида,
- 2 нафари Фарғона вилоятида,
- 3 нафари Хоразм вилоятида,
- 3 нафари Тошкент вилоятида,
- 93 нафари Тошкент шаҳрида коронавирусга чалинган беморлар билан мулоқотда бўлгани сабаб намуна олинган фуқаролар орасида аниқланган.
Шунингдек, 1 нафар коронавирусга чалинган бемор вафот этиб, касалликдан вафот этганлар сони 632 нафарга етган.
Таъкидлаш керакки, 2021 йил ҳисоби бўйича Тошкентда сўнгги бор 23 март куни 93 кишида COVID-19 аниқланган эди, шундан буён кунлик кўрсаткич 100 кишидан ошаётганди. Шу билан бирга, 24 март куни бутун Ўзбекистон бўйича 138 кишида коронавирус тасдиқланган бўлиб, 5 апрелдаги кўрсаткич ўшандан бери қайд этилган энг паст кўрсаткич ҳисобланади. Навоий вилоятида эса 7 февралдан бери биринчи марта коронавирус аниқланди.
Аввалроқ Ўзбекистонда 5 кунда 35 мингдан ортиқ киши коронавирусга қарши эмлангани тўғрисида хабар берилганди.
Изоҳ (0)