O‘zbekistonda koronavirusga chalingani rasman tan olinganlar soni 83 935 nafarga yetdi. Sog‘liqni saqlash vazirligi ma’lumotlariga ko‘ra, 5-aprel kuni mamlakatning 12 ta hududida jami 133 ta kasallanish holati aniqlangan.
Yangi kasallanish holatlarining
- 2 nafari Qoraqalpog‘iston Respublikasida,
- 3 nafari Andijon viloyatida,
- 1 nafari Buxoro viloyatida,
- 4 nafari Navoiy viloyatida,
- 2 nafari Namangan viloyatida,
- 16 nafari Samarqand viloyatida,
- 2 nafari Sirdaryo viloyatida,
- 2 nafari Surxondaryo viloyatida,
- 2 nafari Farg‘ona viloyatida,
- 3 nafari Xorazm viloyatida,
- 3 nafari Toshkent viloyatida,
- 93 nafari Toshkent shahrida koronavirusga chalingan bemorlar bilan muloqotda bo‘lgani sabab namuna olingan fuqarolar orasida aniqlangan.
Shuningdek, 1 nafar koronavirusga chalingan bemor vafot etib, kasallikdan vafot etganlar soni 632 nafarga yetgan.
Ta’kidlash kerakki, 2021-yil hisobi bo‘yicha Toshkentda so‘nggi bor 23-mart kuni 93 kishida COVID-19 aniqlangan edi, shundan buyon kunlik ko‘rsatkich 100 kishidan oshayotgandi. Shu bilan birga, 24-mart kuni butun O‘zbekiston bo‘yicha 138 kishida koronavirus tasdiqlangan bo‘lib, 5-apreldagi ko‘rsatkich o‘shandan beri qayd etilgan eng past ko‘rsatkich hisoblanadi. Navoiy viloyatida esa 7-fevraldan beri birinchi marta koronavirus aniqlandi.
Avvalroq O‘zbekistonda 5 kunda 35 mingdan ortiq kishi koronavirusga qarshi emlangani to‘g‘risida xabar berilgandi.
Izoh (0)