«Халқаро журналист Агнешка Пикулицканинг Миразиз Бозоров атрофида бўлаётган ишлар тўғрисида Twitter’даги постлари ҳақиқатга мутлақо мос келмайди» — ИИВ

Ўзбекистон Ички ишлар вазирлиги сўнгги вақтларда кўп муҳокамага сабаб бўлган ЛГБТ можароси ва Миразиз Бозоров атрофидаги ҳодисалар тўғрисида Twitter’да твитлар қолдираётган халқаро журналист Агнешка Пикулицкага раддия эълон қилди.

Раддия матни қуйида тўлиғича келтирилади.

Охирги кунларда ижтимоий тармоқларнинг фаоллари ва журналистлар томонидан Тошкент шаҳрининг Амир Темур хиёбонида содир этилган тартибсизликлар, фуқаро Миразиз Бозоровнинг иғволи чиқишлари ҳамда унга нисбатан номаълум шахслар томонидан етказилган тан жароҳатлари оқибатида жиноят иши очилганлиги кенг муҳокамаларга сабаб бўляпти.

Ушбу ‘кўпкариъга юртимизда фаолият олиб бораётган хорижий вакиллар ва журналистлар ҳам қўшилган. Биз эътиборни 2021 йилнинг февраль ойидан буён Ўзбекистон Ташқи ишлар вазирлигидан аккредитациядан ўтиб, Ўзбекистонда фаолият юритаётган Al Jazeera халқаро ОАВнинг мухбири Агнешка Пикулицка (Agnieszka Pikulicka)га қаратмоқчимиз.

Журналист 2021 йилнинг 29 мартидан бошлаб М.Бозоров атрофида бўлаётган воқеаларга нохолис ёндашиб, ўзининг Twitter ижтимоий тармоғидаги саҳифасида аслида рўй бермаётган воқеаларни ёритиб келмоқда.

Масалан,

‘Менинг йигитимни махсус хизматлар сўроқ қилишяпти, (у журналист эмас, фаол эмас, фақат кеча мен билан касалхонада бўлган). Бу нотўғри йўл. Ҳурматли махсус хизматлар, сизлар одамларга ўлдириш билан таҳдид қилаётган радикаллар билан ишни ҳал этинғ.

My boyfriend is now being questioned by the security services (he is not a journo/activist but he was with me in the hospital yesterday). That's quite an unfortunate move. Dear security services, you better go after the radicals who are sending ppl death threats #Uzbekistan

— Agnieszka Pikulicka (@Aga_Pik) March 29, 2021

Махсус хизматлар гейларни фаол қидиришмоқда. Одамларнинг расмларини кўрсатиб, уларни гейликда гумонлашяпти. Одамларга ЛГБТ жамоаси ҳақида маълумот тарқатишлик ҳақида босим ўтказишяпти. Эртага бошқалар ҳам сўроқ қилинади. Бу янги Ўзбекистон.

The security services are now actively searching for gay men. Showing pictures of individuals they suspect of being gay and putting immense pressure on people to give away info about the LGBT community. More people will be questioned tomorrow. This is the new #Uzbekistan.

— Agnieszka Pikulicka (@Aga_Pik) March 29, 2021

Мен биламан, махсус хизматлар менинг дўстларимдан гейлар ҳақида сўрашяпти. Хорижлик бўлганим учун мени сўроққа чақиришмади. Ишонинг, бу ялмоғизларга ов!

Darling, I know this for a fact. My friends are being questioned by the security services about gay people. They didn’t called me for questioning just because I’m a foreigner. Believe me, it’s a witch hunt

— Agnieszka Pikulicka (@Aga_Pik) March 29, 2021

Мен унинг (М.Бозоровнинг) провокациялари ҳақида биламан. Лекин бу унинг оёғини синдиришга баҳона эмас. Унинг гапига биз шубҳа билан қараймиз. Энди барча, ундан шифохонада хабар олган одамлар ЛГБТ жамоасига алоқадорлиги ҳақида савол туғилмоқда. Менинг йигитим синиб, қайтиб келди.

I am aware of his provocations. Still, it’s not a reason to break his leg. Now all the people who visited him in the hospital - and trust me, most of us have reservations about what he says - are being questioned about the LGBT community. My boyfriend came back broken

— Agnieszka Pikulicka (@Aga_Pik) March 29, 2021

Менинг бир дўстим ҳозир ДХХда, 4 ёки 5 соатдан бери. Бошқасини эртага чақиртиришяпти.

Спасибо! Один друг сейчас в СГБ, уже 4 или 5 часов. Другого вызвают завтра 😞

— Agnieszka Pikulicka (@Aga_Pik) March 30, 2021

Ниқобланган ҳолдаги шахсий адовати ёки ҳиссиётини баён этаётган мазкур журналист маълумотларни гўёки Ўзбекистонда рўй бераётган ‘салбий ахборот’ сифатида бир қатор хорижий интернет нашрларига тарқатган.

Ваҳоланки, ушбу маълумотлар ҳақиқатга мутлақо мос келмайди ҳамда мамлакатимизнинг ҳуқуқни муҳофаза қилувчи органларини обрўсизлантиришга қаратилганлигининг яққол мисоли.

Мухбир Агнешка Пикулицка ўзи тайёрлаётган материалларининг тўғри ёки нотўғри эканлигини текшириши ва холис ахборот тақдим этиши мажбуриятини унутиб, ахборотни бузиб талқин этиб ва сохталаштириб тарқатган. Шунингдек, оммавий ахборот воситалари эркинлигини суиистеъмол қилган.

Ўзининг ҳаракатлари билан Ўзбекистон Республикасининг ‘Журналистлик фаолиятини ҳимоя қилиш тўғрисида’ги қонуни 6-моддаси, ‘Ахборот эркинлиги принциплари ва кафолатлари тўғрисида’ги қонуни 7-моддаси ҳамда ‘Оммавий ахборот воситалари тўғрисида’ги қонуни 6-моддаси талабларини бузган.

Ҳақиқатга тўғри келмайдиган ахборотни тарқатиб, фуқароларимизнинг онгини чалғитиш, давлат органлари фаолиятига нисбатан ишончсизлик уйғотиш ҳамда хорижий оммавий ахборот воситаларига нохолис маълумотлар етказиб, юртимиз ҳақида салбий фикр шаклланишига сабабчи бўлишдан бу аёлга нима наф?

Бу масалага яна қайтамиз.

ИИВ матбуот хизмати

Эслатиб ўтамиз, Ўзбекистонда бир жинсли муносабатларнинг қонунийлаштирилишига қарши бўлган фаоллар 28 март куни ўз норозиликларини билдириш мақсадида Тошкент марказидаги Амир Темур хиёбони олдида тўпланганди. Кейинроқ Тошкент шаҳар ИИББ матбуот хизмати ЛГБТ фаолларига қарши норозилик ҳолатидан сўнг 12 киши ушланганини маълум қилди. Олий Мажлис Қонунчилик палатаси депутатлари Шербек Бўронов, Гулбаҳор Сайдғаниева ва Гулруҳ Агзамова сўнгги кунларда Тошкентда юз берган воқеаларга ўз муносабатларини билдирди.

Депутат Алишер Қодиров ЛГБТ тарғиботига қарши «юмшоқ жазо»ни кучайтиришга, Расул Кушербаев эса провокаторларга чора кўришга чақирди. Кейинроқ ЛГБТ ҳуқуқларини ҳимоя қилган блогер Миразиз Бозоров ўз уйи олдида дўппослаб кетилгани маълум қилинди.

Ушбу можаролар ҳақида 30 март куни Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов ҳам муносабат билдириб, халқаро ташкилотларни Ўзбекистон ёки бошқа ҳар қандай давлатга бирор талаб қўйишдан олдин миллатнинг менталитети, дини, маданияти, урф-одатларини инобатга олишга чақирди. АОКА эса ЛГБТ можаролари ҳамда шу билан боғлиқ воқеалар юзасидан блогер ва ижтимоий тармоқ фаолларига мурожаат қилди.

Бундан ташқари, БМТ Тошкентда содир бўлган «хавотирли воқеалар»ни холис тергов қилишга чақирди.