Самарқанд вилояти ҳокими Эркинжон Турдимов узоғи билан 2021 йил охирига қадар, балки ундан олдинроқ Самарқанд шаҳри аҳолиси бир миллиондан ортиқ шаҳарга айланишини маълум қилди.
«Аслида, ҳозирнинг ўзида Самарқандда 1 миллион аҳоли яшайди. Шаҳарга яқин жойлашган бир неча туманлар қўшилиб кетган. Биз Самарқандни бир миллионли шаҳар қилиб, унинг таркибида бешта туман қилмоқчимиз», — деган у 31 март куни ўтказилган «Ҳоким, вазир ва ёшлар учрашуви»да.
Вилоят ҳокими дунёда «миллионер шаҳар»ларнинг ўз статуси борлигини таъкидлаб ўтган. «Ҳар қандай бизнесмен бирор туманга пул қўйишдан олдин аҳолиси қанчалигига қизиқади. Меҳнат ресурси бойми, йўқми, деб сўрайди. Одам кўп бўлса, бу ерга пул тикади. Нега тикади, чунки шаҳарда кўп одам бўлса, кўп ейди, кўп одам кириб-чиқади. Шунинг учун ҳам миллионли шаҳарнинг статуси ўзгача. Шунинг учун Самарқанд шаҳри миллионли шаҳар бўлади», — деган у.
Шу ўринда Эркинжон Турдимов Қозоғистонни мисол қилиб келтириб, Ўзбекистондан аҳолиси икки баравар кам бўлса-да, 3 та миллионли шаҳри — Олмаота, Остона ва Чимкент борлигини, Ўзбекистонда эса фақат Тошкент эканлигини қайд этиб ўтган.
Изоҳ (0)