O‘zbekiston Ichki ishlar vazirligi so‘nggi vaqtlarda ko‘p muhokamaga sabab bo‘lgan LGBT mojarosi va Miraziz Bozorov atrofidagi hodisalar to‘g‘risida Twitter’da tvitlar qoldirayotgan xalqaro jurnalist Agneshka Pikulitskaga raddiya e’lon qildi.
Raddiya matni quyida to‘lig‘icha keltiriladi.
Oxirgi kunlarda ijtimoiy tarmoqlarning faollari va jurnalistlar tomonidan Toshkent shahrining Amir Temur xiyobonida sodir etilgan tartibsizliklar, fuqaro Miraziz Bozorovning ig‘voli chiqishlari hamda unga nisbatan noma’lum shaxslar tomonidan yetkazilgan tan jarohatlari oqibatida jinoyat ishi ochilganligi keng muhokamalarga sabab bo‘lyapti.Ushbu ‘ko‘pkari’ga yurtimizda faoliyat olib borayotgan xorijiy vakillar va jurnalistlar ham qo‘shilgan. Biz e’tiborni 2021-yilning fevral oyidan buyon O‘zbekiston Tashqi ishlar vazirligidan akkreditatsiyadan o‘tib, O‘zbekistonda faoliyat yuritayotgan Al Jazeera xalqaro OAVning muxbiri Agneshka Pikulitska (Agnieszka Pikulicka)ga qaratmoqchimiz.
Jurnalist 2021-yilning 29-martidan boshlab M.Bozorov atrofida bo‘layotgan voqealarga noxolis yondashib, o‘zining Twitter ijtimoiy tarmog‘idagi sahifasida aslida ro‘y bermayotgan voqealarni yoritib kelmoqda.
Masalan,
‘Mening yigitimni maxsus xizmatlar so‘roq qilishyapti, (u jurnalist emas, faol emas, faqat kecha men bilan kasalxonada bo‘lgan). Bu noto‘g‘ri yo‘l. Hurmatli maxsus xizmatlar, sizlar odamlarga o‘ldirish bilan tahdid qilayotgan radikallar bilan ishni hal eting’.
My boyfriend is now being questioned by the security services (he is not a journo/activist but he was with me in the hospital yesterday). That's quite an unfortunate move. Dear security services, you better go after the radicals who are sending ppl death threats #Uzbekistan
— Agnieszka Pikulicka (@Aga_Pik) March 29, 2021
Maxsus xizmatlar geylarni faol qidirishmoqda. Odamlarning rasmlarini ko‘rsatib, ularni geylikda gumonlashyapti. Odamlarga LGBT jamoasi haqida ma’lumot tarqatishlik haqida bosim o‘tkazishyapti. Ertaga boshqalar ham so‘roq qilinadi. Bu yangi O‘zbekiston.
The security services are now actively searching for gay men. Showing pictures of individuals they suspect of being gay and putting immense pressure on people to give away info about the LGBT community. More people will be questioned tomorrow. This is the new #Uzbekistan.
— Agnieszka Pikulicka (@Aga_Pik) March 29, 2021
Men bilaman, maxsus xizmatlar mening do‘stlarimdan geylar haqida so‘rashyapti. Xorijlik bo‘lganim uchun meni so‘roqqa chaqirishmadi. Ishoning, bu yalmog‘izlarga ov!
Darling, I know this for a fact. My friends are being questioned by the security services about gay people. They didn’t called me for questioning just because I’m a foreigner. Believe me, it’s a witch hunt
— Agnieszka Pikulicka (@Aga_Pik) March 29, 2021
Men uning (M.Bozorovning) provokatsiyalari haqida bilaman. Lekin bu uning oyog‘ini sindirishga bahona emas. Uning gapiga biz shubha bilan qaraymiz. Endi barcha, undan shifoxonada xabar olgan odamlar LGBT jamoasiga aloqadorligi haqida savol tug‘ilmoqda. Mening yigitim sinib, qaytib keldi.
I am aware of his provocations. Still, it’s not a reason to break his leg. Now all the people who visited him in the hospital - and trust me, most of us have reservations about what he says - are being questioned about the LGBT community. My boyfriend came back broken
— Agnieszka Pikulicka (@Aga_Pik) March 29, 2021
Mening bir do‘stim hozir DXXda, 4 yoki 5 soatdan beri. Boshqasini ertaga chaqirtirishyapti.
Спасибо! Один друг сейчас в СГБ, уже 4 или 5 часов. Другого вызвают завтра 😞
— Agnieszka Pikulicka (@Aga_Pik) March 30, 2021
Niqoblangan holdagi shaxsiy adovati yoki hissiyotini bayon etayotgan mazkur jurnalist ma’lumotlarni go‘yoki O‘zbekistonda ro‘y berayotgan ‘salbiy axborot’ sifatida bir qator xorijiy internet nashrlariga tarqatgan.Ma’lumot uchun, 1-fevral kuni polshalik jurnalist Agneshka Pikulitska Rustam ismli TIV xodimi unga tegajog‘lik qilganini, shuningdek, anchadan buyon TIVda akkreditatsiya ololmayotganini ma’lum qilgandi. TIV bunga 2-fevral kuni munosabat bildirib, polshalik jurnalistdan uzr so‘radi va unga tegajog‘lik qilgan xodimini ishdan bo‘shatganini ma’lum qildi, 3-fevral kuni esa unga akkreditatsiya berdi.Vaholanki, ushbu ma’lumotlar haqiqatga mutlaqo mos kelmaydi hamda mamlakatimizning huquqni muhofaza qiluvchi organlarini obro‘sizlantirishga qaratilganligining yaqqol misoli.
Muxbir Agneshka Pikulitska o‘zi tayyorlayotgan materiallarining to‘g‘ri yoki noto‘g‘ri ekanligini tekshirishi va xolis axborot taqdim etishi majburiyatini unutib, axborotni buzib talqin etib va soxtalashtirib tarqatgan. Shuningdek, ommaviy axborot vositalari erkinligini suiiste’mol qilgan.
O‘zining harakatlari bilan O‘zbekiston Respublikasining ‘Jurnalistlik faoliyatini himoya qilish to‘g‘risida’gi qonuni 6-moddasi, ‘Axborot erkinligi prinsiplari va kafolatlari to‘g‘risida’gi qonuni 7-moddasi hamda ‘Ommaviy axborot vositalari to‘g‘risida’gi qonuni 6-moddasi talablarini buzgan.
Haqiqatga to‘g‘ri kelmaydigan axborotni tarqatib, fuqarolarimizning ongini chalg‘itish, davlat organlari faoliyatiga nisbatan ishonchsizlik uyg‘otish hamda xorijiy ommaviy axborot vositalariga noxolis ma’lumotlar yetkazib, yurtimiz haqida salbiy fikr shakllanishiga sababchi bo‘lishdan bu ayolga nima naf?
Bu masalaga yana qaytamiz.
IIV matbuot xizmati
Eslatib o‘tamiz, O‘zbekistonda bir jinsli munosabatlarning qonuniylashtirilishiga qarshi bo‘lgan faollar 28-mart kuni o‘z noroziliklarini bildirish maqsadida Toshkent markazidagi Amir Temur xiyoboni oldida to‘plangandi. Keyinroq Toshkent shahar IIBB matbuot xizmati LGBT faollariga qarshi norozilik holatidan so‘ng 12 kishi ushlanganini ma’lum qildi. Oliy Majlis Qonunchilik palatasi deputatlari Sherbek Bo‘ronov, Gulbahor Saydg‘aniyeva va Gulruh Agzamova so‘nggi kunlarda Toshkentda yuz bergan voqealarga o‘z munosabatlarini bildirdi.
Deputat Alisher Qodirov LGBT targ‘ibotiga qarshi “yumshoq jazo”ni kuchaytirishga, Rasul Kusherbayev esa provokatorlarga chora ko‘rishga chaqirdi. Keyinroq LGBT huquqlarini himoya qilgan bloger Miraziz Bozorov o‘z uyi oldida do‘pposlab ketilgani ma’lum qilindi.
Ushbu mojarolar haqida 30-mart kuni Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov ham munosabat bildirib, xalqaro tashkilotlarni O‘zbekiston yoki boshqa har qanday davlatga biror talab qo‘yishdan oldin millatning mentaliteti, dini, madaniyati, urf-odatlarini inobatga olishga chaqirdi. AOKA esa LGBT mojarolari hamda shu bilan bog‘liq voqealar yuzasidan bloger va ijtimoiy tarmoq faollariga murojaat qildi.
Bundan tashqari, BMT Toshkentda sodir bo‘lgan “xavotirli voqealar”ni xolis tergov qilishga chaqirdi.
Izoh (0)