Ўзбекистонда инсон органлари трансплантацияси соҳасидаги қонунчилик базаси яратилади. Бу ҳақда Президент Шавкат Мирзиёев 1 апрель куни соғлиқни сақлаш соҳасига бағишлаб ўтказилган йиғилишда маълум қилди, деб хабар беради «Gazeta.uz».
Бугунги кунда донор беморнинг яқин қариндоши бўлмаса, трансплантацияга рухсат берилмайди. Давлат раҳбарининг сўзларига кўра, айнан шу сабабли 2020 йилда Республика ихтисослаштирилган жарроҳлик марказига мурожаат қилган 900 дан ортиқ беморнинг даволаниши рад этилган.
Натижада кўплаб Ўзбекистон фуқаролари хорижда операция қилдиришга мажбур бўлмоқда.
«Одамлар барибир Ҳиндистон, Жанубий Корея, Германия, Россияга даволангани бормоқда. Буни ўзимизда жорий этиш вақти келдими ёки йўқ?», — дейди Президент.
Шавкат Мирзиёев Олий Мажлис Қонунчилик палатаси ва Сенат раҳбарларига бир ой ичида инсон органлари трансплантацияси учун қонунчилик асосини яратишни таклиф қилган.
Мавзуга доир:
Изоҳ (0)