Фарғона вилоятида божхона бошқармаси ходимлари томонидан ўтказилган тезкор тадбирда фуқаро хонадонида 355 дона телефонни ноқонуний сақлаб келаётгани аниқланди, деб хабар бермоқда «Дарё» мухбири.
Маълум қилинишича, Фарғона вилояти божхона бошқармаси контрабандага қарши курашиш ва божхона аудити бўлими ходимлари томонидан тезкор тадбир ўтказилган.
Тезкор тадбир давомида Фарғона туманининг чегараолди ҳудудида яшовчи фуқаро Х.М.нинг хонадони холислар иштирокида ўрнатилган тартибда кўздан кечирилган. Натижада мазкур хонадонда хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган умумий қиймати 60 миллион сўмлик 355 дона уяли алоқа воситаси ноқонуний сақлаб келинаётгани аниқланган.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)