O‘zbekistonda inson organlari transplantatsiyasi sohasidagi qonunchilik bazasi yaratiladi. Bu haqda Prezident Shavkat Mirziyoyev 1-aprel kuni sog‘liqni saqlash sohasiga bag‘ishlab o‘tkazilgan yig‘ilishda ma’lum qildi, deb xabar beradi “Gazeta.uz”.
Bugungi kunda donor bemorning yaqin qarindoshi bo‘lmasa, transplantatsiyaga ruxsat berilmaydi. Davlat rahbarining so‘zlariga ko‘ra, aynan shu sababli 2020-yilda Respublika ixtisoslashtirilgan jarrohlik markaziga murojaat qilgan 900 dan ortiq bemorning davolanishi rad etilgan.
Natijada ko‘plab O‘zbekiston fuqarolari xorijda operatsiya qildirishga majbur bo‘lmoqda.
“Odamlar baribir Hindiston, Janubiy Koreya, Germaniya, Rossiyaga davolangani bormoqda. Buni o‘zimizda joriy etish vaqti keldimi yoki yo‘q?”, — deydi Prezident.
Shavkat Mirziyoyev Oliy Majlis Qonunchilik palatasi va Senat rahbarlariga bir oy ichida inson organlari transplantatsiyasi uchun qonunchilik asosini yaratishni taklif qilgan.
Mavzuga doir:
- Shavkat Mirziyoyev sog‘liqni saqlash tizimini tashkil etishning Sirdaryo modelini barcha hududlarda joriy etish bo‘yicha ko‘rsatma berdi
- “10 ming nafar tor doiradagi mutaxassislar bizda yetishmaydi”. Shavkat Mirziyoyev kelgusi o‘quv yilidan klinik ordinaturaning qabul kvotasini ikki barobar oshirishga topshiriq berdi
Izoh (0)