Ироқ қуролли кучлари ИШИД етакчиларидан бири — «Дажла амири»ни қўлга олди. Бу ҳақда генерал-лейтенант Яҳё Расул ўзининг Twitter саҳифасида хабар берган.
Хабарга кўра, ҳарбийлар террорчи жойлашган жойини аниқлаган ва унга пистирма қўйган.
«Терроризмга қарши кураш бўлимининг қаҳрамонлари сабабли янги ‘Дажла амири’ни қўлга олдик», — дея таъкидлаган генерал Расул.
Шунингдек, разведка ходимлари учта мотоцикл ва жангарилар томонидан эгалланган туннелни йўқ қилган. Террорчилик ташкилотининг янги раҳбарининг қўлга олингани ҳақида бошқа тафсилотлар берилмаган.
Аввалроқ Ироқда АҚШ бошчилигидаги халқаро коалиция томонидан амалга оширилган авиазарба оқибатида ҳам ИШИД террорчилик ташкилотининг раҳбарларидан бири ўлдирилгани ҳақида хабар берилганди.
Маълумотларга кўра, Абу Ясир номи билан танилган Жаббор Салмон Али Фархон ал-Иссауий 27 январь куни Киркук шаҳри яқинида йўқ қилинган. Шунингдек хабарда яна тўққиз нафар ИШИД жангариси ўлдирилгани айтилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)