Тайваннинг Хуалянь уездида йўловчи поезди изидан чиқиб кетди, деб хабар беради «РБК» мамлакат Марказий ахборот агентлигига таяниб.
«Транспорт полицияси маълумотларига кўра, айни пайтда тўрт кишининг ўлими тасдиқланган, 36 киши тириклик белгиларисиз топилган, 72 киши поездда қамалиб қолган, 61 киши касалхонага ётқизилган», — дейилади хабарда.
Камида 36 киши йўловчи поезди билан боғлиқ ҳалокат қурбони бўлди, яна 70 дан ортиғи жароҳат олди, деб ёзмоқда Reuters орол транспорт маъмуриятига таяниб.
Поезд туннель орқали юриб ўтаётиб, рельсдан чиқиб кетган, вагонларнинг бир қисми туннель деворига бориб урилган. Ҳалокат чоғида поездда 350 га яқин йўловчи бўлган. Вагонлар сони 8 та бўлган.
Агентлик маълумотларига қараганда, поезд туннель ичидан ўтишда йўлни тошлардан тозалаётган техника билан тўқнашиб кетган. Айни пайтда қутқарув операцияси давом этмоқда, ҳозирча 100 нафар йўловчи эвакуация қилинган.
«Пинго жибао» нашри ёзишича, дастлабки маълумотларга қараганда, рельсга 20 метр баландликдан қияликка нотўғри парковка қилинган юк машинаси тушиб кетган, унинг тормозлари носоз бўлган.
Reuters ушбу темир йўл ҳалокатини Тайванда сўнгги 40 йил ичидаги энг йириги деб атамоқда. Сўнгги марта Тайванда йирик темир йўл ҳалокати 2018 йил октябрида содир бўлган, ўшанда Puyuma Express тезюрар поезди Илань уездида изидан чиқиб кетган эди. Оқибатда 22 киши ҳалок бўлган, 170 дан ортиқ одам жароҳат олган эди. 1981 йилда поезд ҳалокати оқибатида 31 киши қурбон бўлганди.
Taïwan : Un train a déraillé dans un tunnel dans l'est de Taïwan, les pompiers disent qu'il y aurait des victimes
— Rebecca Rambar (@RebeccaRambar) April 2, 2021
Le train, qui allait à Taitung, a déraillé dans un tunnel juste au nord de Hualien, provoquant le choc de certains wagons contre le mur du tunnel. pic.twitter.com/CPh12J8d1v
Изоҳ (0)