Bugun,

  • USD 10920.28
  • RUB 177.49
  • EUR 11052.42

Iroqda AQSh boshchiligidagi xalqaro koalitsiya tomonidan amalga oshirilgan aviazarba oqibatida IShID terrorchilik tashkilotining rahbarlaridan biri o‘ldirildi. Bu haqda The New York Times’ga tayanib, “TASS” xabar berdi.

Foto: Regnum

Ma’lumotlarga ko‘ra, Abu Yasir nomi bilan tanilgan Jabbor Salmon Ali Farxon al-Issauiy 27-yanvar kuni Kirkuk shahri yaqinida yo‘q qilingan. Shuningdek, yana to‘qqiz nafar IShID jangarisi o‘ldirilgani aytilmoqda. Mazkur operatsiyani o‘tkazishda Iroq xavfsizlik kuchlari ham ishtirok etgan bo‘lib, AQSh harbiylari havodan zarbani amalga oshirgan.

Koalitsiya vakili Ueyn Marottoning ta’kidlashicha, al-Issauiyning o‘limi IShID uchun “jiddiy zarba” hisoblanadi. Ta’kidlanishicha, u terrorchilik tashkilotining Iroqdagi harakatlarini boshqargan va IShIDning mamlakatdagi ta’sir doirasini kengaytirishga uringan.

Maqolada qayd etilishicha, IShID rahbarlaridan birining o‘ldirilishi o‘tgan hafta Bag‘dodda amalga oshirilgan teraktga javob hisoblanadi. O‘shanda 32 kishi halok bo‘lgan va 100 dan ortiq odam jarohat olgandi.

Avvalroq Turkiya IShIDga aloqadorlikda gumonlanayotgan 4 nafar o‘zbekistonlikni Suriya chegarasida hibsga olgani to‘g‘risida xabar berilgandi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

Izoh
Asosiy yangiliklar
Sport
“Temur ham, Bobur ham Hindistonni aql bilan olgandi”. Twitter foydalanuvchilari shaxmat Olimpiadasidagi g‘alaba haqida
Dunyo
AQSH armiyasi yollanma askarlar tanqisligiga duch kelmoqda — Bloomberg
Madaniyat
Instagram: Tug‘ilgan kunini nishonlagan Shahzoda Matchonova, yangi mashinali bo‘lgan Aziza Xalilova, farzandli bo‘lgan Yulduz Nizomova