Индонезиянинг нефтни қайта ишловчи Pertamina Balongan заводида содир бўлган ёнғин оқибатида беш киши қаттиқ куйиш, 15 киши енгил жароҳат олди. Бу ҳақда «Интерфакс» хабар берди.
Заводдаги портлаш натижасида келиб чиққан ёнғин сабабли Ғарбий Ява провинциясининг Балонган қишлоғидан 950 нафар маҳаллий аҳоли эвакуация қилинди.
«Тахминан 200 киши Индрамаю округининг фаоллар залига, 400 киши Индрамаю Ислом марказига ва 350 киши спорт залига эвакуация қилинди», — дейилади завод матбуот хизматида.
ОАВ маълумотларига кўра, портлашнинг эҳтимолий сабаби чақмоқ бўлиши мумкин — воқеа содир бўлган пайтда кучли момақалдироқ бўлган.
«Бошланғич маълумотларга кўра, беш киши кучли даражада куйган», — деб хабар берди Индрамаю Чая округининг табиий офатларни бошқариш бўйича минтақавий бошқарма раҳбари вазифасини бажарувчиси.
Унинг сўзларига кўра, жами 20 киши жабрланган. Беш киши жиддий, 15 киши енгил жароҳат олган. Уларнинг барчаси энг яқин шифохонага етказилган.
Унинг аниқлик киритишича, жабрланганлар орасида уйи завод яқинида жойлашган маҳаллий аҳоли ва ўткинчилар ҳам бор.
Ёнғинга сабаб бўлган портлаш 29 март куни тунда Ғарбий Ява провинциясининг Индрамаю туманидаги Балонган нефтни қайта ишлаш заводида келиб чиққан.
Ижтимоий тармоқларда эълон қилинган портлаш тасвирларида олов ва қора қалин тутуннинг осмонга кўтарилганини кўриш мумкин.
Таъкидланишича, портлаш овози нефтни қайта ишлаш заводидан 10 километргача болъган масофада ҳам эшитилган.
https://twitter.com/seatodaynews/status/1376339683777466369
Аввалроқ Мексикада шимолий Коуэла ва Нуэво-Леон штатлари чегарасида содир бўлаётган йирик ўрмон ёнғини туфайли 1100 киши эвакуация қилингани ҳақида хабар берилди. 23 март куни бошланган ёнғин оқибатида тахминан 8 минг гектар, жумладан, Коуэла шаҳридаги 3,8 минг гектарга яқин ўрмон йўқ қилинган.
Шунингдек, Мумбайдаги Dreams Mall савдо марказида жойлашган коронавирус беморлари даволанаётган Sunrise Hospital шифохонасида содир бўлган ёнғин оқибатида 10 киши ҳалок бўлди. Мумбай мэри Кишори Педнекар воқеа юзасидан батафсил суриштрув ишлари олиб борилишига ваъда берди. Шунингдек, у юқумли касалликлар шифохонасининг савдо марказида жойлашганини биринчи марта кўраётганини таъкидлади.
Изоҳ (0)