Бухоро вилоятининг Когон туманида жойлашган гипс ишлаб чиқариш цехи фаолияти давомида «Ҳудудгазтаъминот» вилоят филиалига 46 миллион 335 минг сўм зарар етказгани маълум бўлди. Ҳолат Иқтисодий жиноятларга қарши курашиш департаментининг Когон тумани бўлими ходимлари ҳамкорлигидаги тадбирда аниқланди, дея хабар берди «Дарё» мухбири.
Маълум бўлишича, департаментнинг Когон туман бўлими, «Ўздавнефтгаз» инспекция вилоят филиали ва Когон туман «Газ таъминоти» бўлими ходимлари ҳамкорлигида тадбир ўтказилган.
Тадбирда гипс ишлаб чиқариш цехида ўрнатилган газ ҳисоблагич кўрсаткичини ўзгартириш мақсадида унга ташқи таъсир кўрсатилгани аниқланган. Оқибатда «Ҳудудгазтаъминот» Бухоро вилояти филиали манфаатларига 46 миллион 335 минг сўм миқдорида зарар етказилган. Ушбу қонунбузарлик фуқаро Н.Н.томонидан содир этилгани аниқланган.
Айни пайтда мазкур ҳолат юзасидан Н.Н.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари олиб борилмоқда.
Изоҳ (0)