Тошкент шаҳри Мирзо Улуғбек туманининг айрим ҳудудларида 29 март 19:00 гача иссиқлик таъминоти ўчирилади, дея хабар бермоқда туман ҳокимлиги матбуот хизмати.
«Тошиссиққуввати» ДУК хабар беришича, Мирзо Улуғбек тумани Қорасув-3 мавзеси, Мингбулоқ кўчасига асфальт ётқизиш ишлари олиб борилиши муносабати билан мазкур йўл остидан ўтган магистрал иссиқлик тармоқлари ҳам янгиланмоқда.
Шу муносабат билан 27 мартдан 29 март соат 19:00 га қадар қуйида келтирилган манзилларда иссиқлик энергияси таъминоти вақтинчалик тўхтатилади:
- Қорасув-1, 2, 3, 4 мавзеларида;
- Дўрмон йўли кўчасида;
- БУЗ-2 мавзесида;
- Феруза мавзесида;
- Феруза кўчасида;
- Мирзо Улуғбек кўчасида.
Изоҳ (0)