Андижон вилоятида қурилаётган қатор объектлар шаҳарсозлик тўғрисидаги қонун ҳужжатларини бузгани аниқланди, дея хабар бермоқда Қурилиш вазирлиги матбуот хизмати.
Маълум қилинишича, Қурилиш вазирлиги ишчи комиссияси ҳамда Андижон вилояти қурилиш соҳасида ҳудудий назорат инспекцияси билан бирга Андижон вилоятида қурилаётган кўп қаватли турар жой биноларининг қурилиши ўрганилганда бир қатор камчиликлар аниқланди. Аниқланган муаммолар юзасидан ҳудудий инспекция томонидан уларни бартараф этиш бўйича чора-тадбирлар белгиланди.
Андижон шаҳар ҳокимининг 2019 йил 18 октябрдаги 798-сонли қарори билан Андижон шаҳри Машраб кўчасида 7 қаватли (1-қаватида савдо ва маиший хизмат кўрсатиш шохобчаси, юқори қаватлари турар жой) бино қурилишига рухсат берилган. Белгиланган тартибда Ўзбекистон Вазирлар Маҳкамасининг 2018 йил 18 майдаги 370-сонли қарори талабларига асосан қурилиш объектига тегишли бўлган шаҳарсозлик ҳужжатлари тўлиқ расмийлаштирилган.
Бироқ, Республика ишчи комиссияси текширувида лойиҳачи «Андижонфуқаролойиҳа» МЧЖ томонидан Шаҳарсозлик норма ва қоидалари талабларининг бажарилишида камчиликларга йўл қўйилгани аниқланди. Уларни бартараф этиш бўйича 2021 йилда 2-7/41-сонли ёзма кўрсатма берилган.
Берилган ёзма кўрсатмага «Андижонфуқаролойиҳа» МЧЖ томонидан ўз вақтида жавоб берилмаганлиги учун инспекция 35-сонли хат асосида Маъмурий жавобгарлик тўғрисидаги кодекснинг 99-моддаси 1-қисми (шаҳарсозлик тўғрисидаги қонун ҳужжатларини бузиш) билан ўрнатилган тартибда ҳужжатлар тўплами расмийлаштириб, Жиноят ишлари бўйича Андижон шаҳар судига юборган.
Избоскан тумани ҳокимининг 2019 йил 25 сентябрдаги 2915-сонли қарори билан Избоскан тумани Пойтуг шаҳри «Мирзо Улуғбек» МФЙ Янги бозор кўчаси ҳудудида кўп қаватли турар жой биноси қурилишига рухсат берилган. Қурилиш ишлари эса «Иззатбек савдо капитал» МЧЖ томонидан олиб борилмоқда.
Ушбу объект бўйича белгиланган тартибда шаҳарсозлик ҳужжатлари тўлиқ расмийлаштирилган. Республика ишчи комиссияси текширувида «Иззатбек савдо капитал» МЧЖ мансабдор шахсига Шаҳарсозлик нормалари ва қоидалари талабларининг бажарилишида аниқланган камчиликларни бартараф қилиш бўйича 11.02.2021 йилда 03/03-1-сонли ёзма кўрсатма берилган.
Ёзма кўрсатма бўйича ташкилот масъул шахси томонидан ўз вақтида қурилишдаги камчиликлар бартараф этилмагани учун Маъмурий ҳуқуқбузарлик тўғрисида 32-сонли баённома ва 32-сонли хат билан Ўзбекистон Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Избоскан тумани судига юборилган.
Шунингдек, Андижон шаҳар ҳокимининг 2018 йил 6 августдаги 860-қ сонли қарори билан Андижон шаҳар, Фитрат кўчасида 6 қаватли (1-қаватида савдо ва маиший хизмат кўрсатиш шохобчаси, юқори қаватлари турар жой) бино қурилишига рухсат берилган.
Ушбу объект бўйича ҳам шаҳарсозлик ҳужжатлари тўлиқ расмийлаштирилган. Республика ишчи комиссияси текширувида аниқланган камчиликлар бўйича эса ушбу объектнинг иш юритувчисига Шаҳарсозлик нормалари ва қоидалари талабларининг бажарилишида аниқланган камчиликларни бартараф қилиш бўйича 09.02.2021 йилда 14-2/006-сонли ёзма кўрсатма берилган.
Берилган ёзма кўрсатма бўйича ўз вақтида қурилишдаги камчиликларни бартараф этиб, чора-тадбирларга белгиланган вақтда жавоб берилмаганлиги учун инспекция томонидан маъмурий ҳуқуқбузарлик тўғрисида 36-сонли баённома ва 02.03.2021 йилда 36-сонли хат асосида Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Андижон шаҳар судига юборилган.
Шу билан бирга, Балиқчи тумани ҳокимининг 2020 йил 13 апрелдаги 140-қ сонли қарори билан Балиқчи туман, «Оққўрғон» МФЙ ҳудудида 9 қаватли (1-қаватлари савдо ва маиший хизмат кўрсатиш шохобчалари, юқори қаватлари турар жой) объект қуришга рухсат берилган. Қурилиш пудрат ишларини «Стандарт савдо пласт» МЧЖ олиб бормоқда.
Ушбу турар жой бўйича белгиланган тартибда шаҳарсозлик ҳужжатлари тўлиқ расмийлаштирилган. Республика ишчи комиссияси текширувида аниқланган камчиликлар бўйича эса уларни бартараф қилиш юзасидан 12.02.2021 йилда 02-8/7-сонли ёзма кўрсатма берилган.
Берилган ёзма кўрсатма бўйича масъул шахс томонидан ўз вақтида қурилишдаги камчиликлар бартараф этилмагани учун инспекция томонидан Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Балиқчи тумани судига юборилиши учун ҳужжатлар тайёрланди.
Бундан ташқари, Андижон шаҳар ҳокимининг 2020 йил 23 апрелдаги 203-қ сонли қарори билан Андижон шаҳар «Яйилма» МФЙ, 4-қаватли турар жойлар ҳудудида «Анд Равнақ Construction» МЧЖга 5 қаватли турар-жой биноси қурилишига рухсат берилган.
Ўзбекистон Вазирлар Маҳкамасининг 18.05.2018 йилдаги №370-сонли қарори талабларига асосан қурилиш объектига тегишли бўлган шаҳарсозлик ҳужжатларини расмийлаштирилишида бузилишлар мавжуд яъни объект Андижон шаҳар Бош режасига киритилмаган ҳамда лойиҳа «Архитектура-шаҳарсозлик кенгаши» томонидан кўриб чиқилмаган, баён олинмаган.
Республика ишчи комиссияси текширувида аниқланган камчиликлар бўйича лойиҳа муаллифи «Меъмор арч концепт» МЧЖга Шаҳарсозлик нормалари ва қоидалари талабларининг бажарилишида аниқланган камчиликларни бартараф қилиш бўйича 02.02.2021 йилда 2-7/2-м-сонли ёзма кўрсатма берилган.
Берилган ёзма кўрсатмага лойиҳа муаллифи «Меъмор арч концепт» МЧЖ директори томонидан ўз вақтида жавоб берилмаганлиги учун инспекция томонидан маъмурий ҳуқуқбузарлик тўғрисида 34-сонли баённома расмийлаштирилган ва 34-сонли хат билан Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Андижон шаҳар судига юборилган.
Избоскан тумани ҳокимининг 2020 йил 8 июлдаги 249-қ сонли қарори билан Избоскан тумани, «Даминбойчек» МФЙ ҳудудида 2 дона 5 қаватли турар жой бинолари қурилишига ва лойиҳа-смета ҳужжатларини амалга оширишга рухсат берилган. Қурилиш пудрат ишлари эса «МИДХ» МЧЖ томонидан амалга оширилмоқда.
Ушбу объект бўйича белгиланган тартибда шаҳарсозлик ҳужжатлари тўлиқ расмийлаштирилган. Республика ишчи комиссияси текширувида қурилишнинг иш юритувчисига Шаҳарсозлик нормалари ва қоидалари талабларининг бажарилишида аниқланган камчиликларни бартараф қилиш бўйича 12.02.2021 йилда 4863-сонли кўрсатма берилган.
Берилган ёзма кўрсатма бўйича ўз вақтида қурилишдаги камчиликлар бартараф этилмагани учун инспекция томонидан Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Избоскан тумани судига юборилган.
Вазирлар Маҳкамасининг 28.11.2019 йилдаги «Ипотека кредити механизмларини такомиллаштиришга оид қўшимча чора-тадбирлар тўғрисида»ги ПК 5886-сонли қарори ижросини таъминлаш мақсадида қарор Низомига асосан Андижон вилоятида ҳам «2020 йилда қишлоқ жойларида янги тартибга мувофиқ кўп квартирали уй-жойлар» қуриб, аҳолига қулайлик яратиб бериш мақсадида Хўжаобод тумани ҳокимининг 30.12.2019 йилдаги 1725-қ сонли қарори билан Хўжаобод тумани, Иттифоқ массивидаги 5-7 қаватли турар-жой биноси қурилишига ер майдони ажратиб берилган.
Ушбу объект бўйича белгиланган тартибда шаҳарсозлик ҳужжатлари тўлиқ расмийлаштирган. Қурилиш пудрат ишлари «Барака Файз ихтисослашган қурилиш» МЧЖ томонидан олиб борилмоқда. Ушбу қурилишнинг иш юритувчисига аниқланган камчиликларни бартараф қилиш бўйича инспекция томонидан 12.02.2021 йилда 02-8/4-сонли ёзма кўрсатма берилган. Берилган ёзма кўрсатма бўйича ўз вақтида қурилишдаги камчиликлар бартараф этилмагани боис Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Хўжаобод тумани судига юбориш учун ҳужжатлар тайёрланган.
Андижон шаҳар Бухоро кўчасида 9 қаватли, 1-қаватини савдо ва маиший хизмат кўрсатиш шохобчаси, юқори қаватлари 101 хонадонли турар жой биносининг қурилиш ишлари «Смарт панел ҳамкор» МЧЖ томонидан амалга оширилган.
Белгиланган тартибда Ўзбекистон Вазирлар Маҳкамасининг 2018 йил 18 майдаги №370-сонли қарори талабларига асосан шаҳарсозлик ҳужжатлари тўлиқ расмийлаштирилган. Ушбу қурилишнинг иш юритувчисига Шаҳарсозлик нормалари ва қоидалари талабларининг бажарилишида аниқланган камчиликларни бартараф қилиш бўйича 2021 йил 12 февралда 14-02/009-сонли ёзма кўрсатма берилган.
Масъул шахс томонидан берилган ёзма кўрсатма бўйича ўз вақтида қурилишдаги камчиликлар бартараф этилмагани учун инспекция томонидан 2021 йил 2 мартда Маъмурий жавобгарлик тўғрисидаги кодекснинг 99-моддаси 1-қисми билан ўрнатилган тартибда ҳужжатлар тўплами расмийлаштирилиб, Жиноят ишлари бўйича Хўжаобод тумани судига топширилган.
Бундан аввал Ўзбекистонда қурилиш соҳасидаги тизимли камчилик ва муаммоларни бартараф этишга қаратилган Президент фармони лойиҳаси муҳокамага қўйилгани, Навоийда таъсисчиси сенатор бўлган компания қурилиш ишларида қонунбузарликка йўл қўйгани ҳамда Тошкентда хусусий боғча қурилиши аҳоли норозилиги сабаб суд қарори чиққунча тўхтатилгани ҳақида хабар берилганди.
Изоҳ (0)