Намангандаги «Марказий» стадионида бўлиб ўтган Ўзбекистон ва Гана Б (захира) миллий терма жамоалари ўртасидаги ўртоқлик ўйинини (2:1) 20 877 нафар футбол ишқибози кузатди. Бу ҳақда «Дарё» мухбири Азизбек Абдувалиев хабар бермоқда.
«Навбаҳор» футбол клуби матбуот хизматига кўра мазкур ўйинни томоша қилиш учун Наманганга Тошкент шаҳри ва вилоятлар, ҳатто қўшни Қирғизистондан ҳам мухлислар келган.
Ўйин якунлангандан сўнг маҳаллий нашрларда Наманган вилояти ҳокими, вилоят футбол ассоциацияси президенти Шавкатжон Абдураззоқовнинг бугунги баҳс ҳақидаги фикрлари эълон қилинди.
Бугун миллионлар ўйинининг ашаддий ва фидойи мухлисларига эга бўлган Наманганда катта байрам, катта футбол тантанаси бўлиб ўтди. Вилоятимиз футболидаги тарихий воқеа гувоҳига айландик. Яъни, футбол бўйича Ўзбекистон миллий терма жамоаси иштирокидаги ўртоқлик ўйини илк марта Наманганда ўтказилди. 2022 йилги Жаҳон Чемпионати саралаш босқич баҳсларига қизғин тайёргарлик кўраётган мамлакатимиз бош жамоаси иштирокидаги ўйинлар ҳар доим мухлислар диққат марказида туради, уни жиддий қизиқиш билан кузатамиз. Шуни инобатга олган ҳолда, бугунги ўйин нафақат наманганлик, балки бутун водийлик мухлислар учун ўзига хос совға бўлди дейиш мумкин.Қуйида Наманганда бўлиб ўтган ўйиндан олинган суратлар тўплами ҳавола этилади.Шавкатжон Абдураззоқов, Наманган вилояти ҳокими
Эслатиб ўтамиз, Ўзбекистон 29 март куни Ироқ терма жамоасига қарши Тошкентда ўртоқлик ўйини ўтказади.
Изоҳ (0)