Жон Оби Микель Эден Азар ҳақида: «Машғулотларда бу қадар ёмон ҳаракат қилган ўйинчини кўрмаганман»

«Челси» собиқ ярим ҳимоячиси Жон Оби Микель собиқ жамоадоши, ҳозирда «Реал» сафида тўп тепаётган Эден Азар ҳақидаги фикрлари билан ўртоқлашди.

Мен ҳар доим айтганман, Эден Азар — энг иқтидорли футболчилардан бири, унда ҳамма нарса бор эди — темп, куч, салоҳият, техника. У Лионель Месси ва Криштиану Роналдунинг йўлидан юрди. Агар ўзи хоҳлаганида, бу амалга ошган бўлади. Азар шу даражада яхши эди.

Баъзан у ўзига айтарди: «Агар яна-да кучлироқ ўйинчи бўлишни истасам, бунга эриша оламан. Мен Месси каби жуда зўр бўла олмасдим, чунки у ўзга сайёрадан. Бироқ Роналду яқинлашган, балки, ундан ўзиб кетган бўлардим». Унинг оғзидан шундай сўзлар чиққан, аммо Азар футболга фидокор эмас эди. У жуда ёмон шуғулланарди. Ростини айтсам, машғулотларда меҳнат қилиш борасида у мен бирга ўйнаган футболчилар орасида энг ёмони.

Нима учун у бу қадар ёмон? Эден, Эден, Эден... Эҳ! Шу қадар яхши ўйнаганидан унга ҳеч ким ёмон гапира олмас эди. У шанба куни ўйин масаласини ҳал қилиб, учрашувнинг энг яхши ўйинчиси бўлар. Бироқ душанба ёки сешанба кунги машғулотлар вақтида умуман кўринмасди. У шунчаки турар, сайр қилиб юрарди.

Барча машғулотлардаги ўйин вақтида яккакурашларга киришар, бир-бирини туртар ва бақирарди, бироқ Эден булардан ҳеч бирини қилмасди. Бироқ майдонда унинг қай даража яхши экани кўринарди. Бундай одамларга бу қадар кўп иқтидор берилиши — шунчаки адолатсизлик!

Жон Оби Микель, «Сток Сити» футболчиси