Интернетда Meizu 18 Pro’нинг Apple, Samsung ва Oppo компанияларининг флагманлари билан таққослангани оид маълумотлар пайдо бўлди. Маълумотларни Meizu Technology вице-президенти Хуа Хайлянь тақдим этган, деб хабар беради IXBT.
Топ-менежернинг сўзларига кўра, бирорта сурат таҳрирланмаган, фақат уларнинг остида қайси моделда олингани туширилган.
Таъкидланишича, суратларнинг барчаси ёруғлик кам бўлган мураккаб шароитда олинган (бир қисми — кўчада, бошқаси — бино ичида). Барча ҳолатларда тунги суратга олишнинг ихтисослашган режимидан фойдаланилган (Meizu 18 Pro’да у Dark Vision деб номланади).
Топ-менежернинг таъкидлашича, Meizu 18 Pro’нинг кўча суратларда шовқин кам, ранглар табиий, деталлар яхши кўринган. iPhone 12 Pro Max ранглар узатишда муаммо бор, Oppo Find X3 Pro камерасида олингани эса жуда қоронғи.
Бино ичидаги суратлар мутлақо қоронғуи шароитда олинган. Маълум қилинишича, фақат iPhone 12 Pro Max ва Meizu 18 Prо бу каби мураккаб шароитда фокусни яхши ушлай олган. Шу билан бирга, тўртта кадрнинг барчасида фокус, ёрқинлик ва шовқин ўртасида уйғунлик бор.
Хуа Хайляннинг хулосасига кўра, Meizu 18 Prо рақобатчиларидан яхшироқ суратга олади. Энг камида ёруғлик кам бўлган шароитда.
Аввалроқ Meizu компанияси иккита флагман смартфони — 18 ва 18 Prо моделларини тақдим этгани тўғрисида хабар берилганди. Улар шиша ва металлдан ишланган корпус, Snapdragon 888 процессори ва Samsung Galaxy S21’даги каби экранга эга бўлган.
Мавзуга доир: Meizu 1400 долларлик пиёлали смартфонни сотувга чиқарди
Изоҳ (0)