Адлия вазирлиги «Қурилиш жараёни иштирокчиларининг масъулияти ва жавобгарлигини ошириш, қурилиш соҳасида назоратни кучайтириш ва сифатини тубдан яхшилаш чора-тадбирлари тўғрисида»ги Президент фармони лойиҳасини муҳокамага қўйди.
Ҳужжат лойиҳаси билан Қурилиш вазирлиги, Инспекция, Қурилишда стандартлаштириш республика маркази, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига 2017—2020 йиллар давомида қурилган ва фойдаланишга қабул қилинган ҳамда фойдаланишга қабул қилиш жараёнида бўлган барча биноларни 2021 йил давомида тўлиқ қайта назоратдан ўтказиш вазифаси юклатилади:
- қурилиш соҳасида аниқланган қонун бузилиши ҳолатлари бўйича айбдор мансабдор шахсларга чора кўриш учун прокуратура органларига киритади;
- қурилиш соҳасида аниқланган ва бартараф этилиши мумкин бўлган барча хато-камчиликларни бартараф этиш бўйича буюртмачиларга кўрсатмалар киритилишини ва бажарилишини таъминланади;
- амалга оширилган ишлар тўғрисида 2021 йил якунига қадар Вазирлар Маҳкамасига ахборот киритилади.
Бундан ташқари, 2021 йил 1 декабрга қадар ушбу ҳудудлардаги объектларни, шу жумладан, уларнинг атрофини қайта ихтисослаштириш ва реконструкция қилиш тартибини аниқ белгилаш бўйича норматив-ҳуқуқий ҳужжат лойиҳасини ишлаб чиқиб, Вазирлар Маҳкамасига киритиши белгиланган.
Аввалроқ Қурилиш вазирлиги пудрат ташкилотларининг янги рейтинг тизими ҳақида маълумот берганди. Шунингдек, қурилишда коррупция ва қоғозбозликни тугатиши кутилаётган «Шаффоф қурилиш» тизими ҳақида маълумот тақдим этилганди.
Мавзуга доир: Ўзбекистонда қишлоқларда қуриладиган «дом»лар баландлиги 5 қаватдан, шаҳарларда эса 9 қаватдан паст бўлмаслиги белгиланди
Изоҳ (0)