Ўзбекистонда ўтган бир сутка ичида 113 кишида коронавирус аниқланди

Ўзбекистонда 21 март ҳолатига кўра, коронавирус билан касалланганлар сони 81 559 кишига етди. Бу ҳақда ССВ матбуот хизмати хабар берди.

Ўтган бир сутка ичида мамлакатда яна 113 кишида COVID-19 тасдиқланган, уларнинг 96 нафари — Тошкент шаҳрида.

Қолган янги касалланиш ҳолатларининг

• 2 нафари Самарқанд вилояти
• 1 нафари Бухоро вилоятида
• 2 нафари Қашқадарё вилоятида
• 1 нафари Хоразм вилоятида
• 4 нафари Фарғона вилоятида
• 7 нафари Тошкент вилоятида

коронавирусга чалинган беморлар билан мулоқотда бўлгани сабаб намуна олинган фуқаролар орасида аниқланган.

Шунингдек, Тошкент шаҳрида 57 нафар, Тошкент вилоятида 8 нафар бемор соғайган бўлиб, ҳозирга қадар республика бўйлаб коронавирусдан тузалганлар сони 79 949 кишини ташкил этмоқда (98 фоиз).

Айни пайтда тиббиёт муассасаларида даволанаётган 988 нафар бемордан 141 нафари оғир, 23 нафари эса ўта оғир аҳволда.

Аввалроқ 20 март куни бир суткада 126 нафар кишида коронавирус аниқлангани ҳақида хабар берилган эди. Ўзбекистонда 2021 йилдаги янги суткалик антирекорд.

​Эслатиб ўтамиз, Ўзбекистонда март ойидан буён кунлик касалланишлар сони 100 кишидан ортиқ бўлмоқда. Бундай ҳолат сўнгги марта 2020 йил декабрида кузатилганди. Касалланишларнинг аксарияти Тошкент шаҳрида қайд этилмоқда. Пойтахтда коронавирусга чалиниш ҳолатлари, асосан, ўқувчилар, талабалар ва ташкилот ходимлари орасида кўпайган. Хусусан, Тошкентдаги 77 та мактабда ўқувчилар орасида коронавирус инфекцияси аниқланган, 117-сонли боғчада икки нафар тарбиячи ва болаларда коронавирус аниқлангани сабаб мазкур боғча вақтинча ёпилди.