ИИВ ЙҲХББ ахборот хизмати Тошкент вилоятида Чиноз туманидан ўтган автомобиль йўлида юзага келаётган тирбандликлар бўйича маълумот берди.
Маълум қилинишича, Чиноз тумани ҳудудидан ўтган М-39 автомобиль йўлининг 862-километрида жойлашган йўл ўтказгич кўприкда таъмирлаш ишлари олиб борилаётгани сабабли транспорт воситалари ҳаракати йўлнинг бир томонида ташкил этилган.
«22 март куни ҳудудлардан пойтахтга ўқишга, ишга қайтувчилар сони ортгани сабаб автотранспортлар оқими ҳам ошди. Шу сабабли тирбандликлар кузатилмоқда», — дейилади хабарда.
Эслатиб ўтамиз, Президент Шавкат Мирзиёев 18 март куни Чиноз туманига келиб, сув хўжалигида амалга оширилаётган ишларни кўздан кечирганди.
Изоҳ (0)