АҚШнинг Арканзас штатида хизмат олиб борувчи полициячи видеорегистратор ёрдамида қўрқинчли кадрларни муҳрлашга муваффақ бўлди, деб ёзади Motor.
Фейетвилл шаҳарчаси полицияси маҳаллий кўчаларда ҳар кунлик назоратни амалга оширган. Қайсидир онда офицер хусусий уйлардан бирининг олдида турган тиркамали фургон ёнаётганига дуч келган. Йўл бўйида эса бир эркак ёнғинни кузатаётганини кўрган. У мазкур транспорт воситасининг эгасими ёки йўқ — номаълум.
Офицер хизмат машинасини воқеа жойидан узоқроққа жойлаштирган вақтда ёнаётган фургон катта тезликда пастликка ҳаракатланиб кетган. Эркак етарлича узоқ масофада бўлгани сабаб омон қолган. Тиркамали фургон эса қиялик бўйлаб ҳаракатланиб, ариққа тушиб кетган.
Эҳтимолий оқибатларга қарамай, ёнаётган транспорт воситасининг йўлида ҳеч қандай тўсиқ бўлмаган. Шу билан бирга, полиция офицери ўт ўчирувчилар келишини кутмасдан ёнғинни ўчиришга киришган. Воқеа жойига етиб келган қутқарувчиларнинг маълум қилишича, фургонда ёнғин қувватлантириш ва ўт олдириш тизимидаги носозлик сабаб юзага келган.
Изоҳ (0)