Тошкент вилояти Чингелди аҳоли пунктида кечаси йўл ювилгани, эрта тонггача йўллар музлагани, бунинг оқибатида кўплаб машиналар ўзаро тўқнашгани ҳақида хабар тарқалди. Ҳолат юзасидан ЙҲХББ маълумот берди.
Қайд этилишича, 2021 йилнинг 18 март куни Тошкент вилояти Қибрай тумани ҳудудида Matiz, Cobalt, Damas, «ВАЗ-2106» ва Nexia русумли бир неча автомобиллар иштирокидаги йўл-транспорт ҳодисаси содир бўлгани акс этган видеолавҳа тарқалди.
Маълумотларга кўра, ҳодиса натижасида тан жароҳати олганлар йўқ.
ЙТҲ юзасидан Қибрай тумани ИИБ ЙҲХБ томонидан суриштирув ҳаракатлари олиб борилмоқда.
Бундан аввал Навоийда йўлнинг белгиланмаган қисмидан кесиб ўтган маст пиёда Nexia уриб кетиши оқибатида вафот этгани, Сурхондарёда 22 ёшли йигит отасига тегишли машинада ЙТҲга учраб, ҳалок бўлгани ҳамда Жиззахда меъёридан 2 баробар кўп юк ортган Isuzu ўзидан олдинги транспортни уриб, уни ағдариб юборгани ҳақида хабар берилганди.
Изоҳ (0)