Walt Grace Vintage сайтида ноодатий Lamborghini Countach сотувга қўйилгани тўғрисида эълон пайдо бўлди: у 25th Anniversary сериясидаги 657 та нусхадан бири ҳисобланади. Сотувга қўйилган машина 425 минг долларга баҳоланмоқда. 1989 йилдан буён машина фақатгина минг километр йўл босган, деб хабар беради Motor.
Оригинал қизил Rosso Siviglia рангидаги купе «гильотина» эшиклар билан жиҳозланган, салони эса қора чарм билан қопланган бўлиб, ҳозирга қадар идеал ҳолатда сақланган. Сотувчининг таъкидлашича, автомобиль ҳозирга қадар реставрация қилинмаган. Countach 455 от кучига эга 5,2 литрли V12 двигатели ёрдамида ҳаракатга келади, агрегат эса беш поғонали механик узатмалар қутиси ёрдамида бошқарилади. 32 йиллик суперкар соатига 100 километр тезликка 4,5 сонияда эришади, максимал тезлиги — 298 километр/соат.
Айни вақтда автомобиль Майамидаги Walt Grace Vintage автосалонида сақланмоқда.
25тҳ Anniversary чекланган серияси компаниянинг биринчи серияли автомобилининг 25 йиллиги муносабати билан чиқарилган бўлиб, ундан 657 нусха ўрин олган. 350 GT модели 1964 йилда сотувга чиққан. 1974 йилдан 1990 йилга қадар Lamborghini 1,9 мингдан ортиқ Countach моделларини тақдим этган.
Аввалроқ Gooding & Company аукциони орқали ноёб Lamborghini Countach LP400 Periscopica сотувга қўйилгани тўғрисида хабар берилганди.
Изоҳ (0)