Энергетика вазирлиги Ўзбекистонда кузатилаётган кучли шамол электр узатиш тармоқларига ҳам шикаст етказаётганини, оқибатда айрим ҳудудларда электр энергияси таъминотида узилишлар кузатилаётганини маълум қилди.
ФВВ хабарига кўра, 18 мартдан 20 мартгача республиканинг айрим ҳудудларида шамол тезлиги 17-22 метр/секунддан 23-28 метр/секундгача кучайиши кутилмоқда.
Оқибатда айрим ҳудудларда юқори ва паст кучланишли электр узатиш тармоқларига ҳам шикаст етиб, электр энергияси таъминотида узилишлар кузатилмоқда.
Энергетика вазирлиги ҳозирда махсус бригадалар томонидан ушбу носозликларни бартараф этиш ишлари олиб борилаётганини билдирган.
Эслатиб ўтамиз, 18 март куни Сирдарёнинг икки туманида кузатилган кучли шамол оқибатида айрим бинолар том қисми қулаб тушган, бир қатор маҳаллалар электр энергиясидан вақтинча узилганди.
«Ўзгидромет» ҳам ҳафтанинг иккинчи ярмида шамол тезлиги кучайиб, айрим жойларда кучли ёмғир ёғишини маълум қилган.
Изоҳ (0)