Шавкат Мирзиёев Нурафшон шаҳрида амалга оширилаётган бунёдкорлик лойиҳалари билан танишди. Бу ҳақда Президент матбуот хизмати хабар қилди.
Маълум қилинишича, 2017 йил Тошкент вилояти маркази Нурафшон шаҳрига кўчирилган, давлат раҳбари 2019 йили бу ерга келганида замонавий мажмуалар барпо этиш бўйича кўрсатмалар берган эди.
Бу галги ташриф чоғида бажарилган ишлар кўздан кечирилди. Давлат раҳбарига Нурафшон шаҳрининг бош режасига мувофиқ амалга оширилаётган ишлар тўғрисида маълумот берилди.
Бугунги кунда Тошкент йўли кенгайтирилиб, унинг икки томонида 42 объект фойдаланишга топширилган. Айни пайтда бунёдкорлик ишлари давом этмоқда. Илгариги бир қаватли эски иморатлар ўрнида 7 ва 9 қаватли уйлар, маъмурий бинолар, бизнес марказлар, меҳмонхона, тиббиёт ва таълим муассасалари, гипермаркетлар қурилмоқда.
Тошкент вилоятида маданият, таълим, соғлиқни сақлаш соҳаларини ривожлантириш чора-тадбирлари юзасидан тақдимот ўтказилди.
Президент мактаб ва боғчаларни қуриш билан бирга, таълим мазмунини бойитиш, энди қамровдан сифатга ўтиш кераклигини таъкидлади. Аҳоли келишига қулай жойда замонавий шифохона ташкил этиб ҳамда уни клиник база қилиб, малакали мутахассислар тайёрлаш бўйича топшириқ берди.
Бундан аввал Шавкат Мирзиёев Чирчиқ шаҳар «тўртлиги»ни нега ишдан олмаганини айтгани, Тошкент вилояти иккига бўлиниши мумкинлигини маълум қилгани ҳамда Президент тавсиясига кўра, Даврон Ҳидоятов Тошкент вилояти ҳокими лавозимига тасдиқлангани ҳақида хабар берилганди.
Мавзуга доир:
- «Минглаб аҳоли ‘уй беринғ деб турибди. Нега ҳеч ким Бухоро тажрибасини ўрганмайди?» — Шавкат Мирзиёев Чирчиқ шаҳри ҳақида
- «Унга ҳеч ким ишдан кет, дегани йўқ, ўзи ариза ёзди» – Шавкат Мирзиёев Тошкент вилоятининг собиқ ҳокими Рустам Холматов ҳақида
- «Чирчиққача ‘электричка’ қўйилади, агар у ҳам маъқул бўлмаса ерусти метроси қурилади» — Шавкат Мирзиёев
Изоҳ (0)