Bugun,

  • USD 11095.31
  • RUB 173.84
  • EUR 10772.44

O‘zbekiston hududiga 19-mart kuni Kaspiy dengizi orqali Kavkaz hududlari ustida shakllangan nam va deyarli salqin havo massalari kirib kelishi boshlandi, deb xabar bermoqda “O‘zgidromet”. Shimoliy hududlarda biroz yomg‘ir yog‘di, Buxoro, Navoiy viloyatlarida kun davomida biroz yomg‘ir yog‘ishi mumkin.

Foto: “Daryo”

Foto: “Daryo”

Respublikaning qolgan hududlarida kun davomida quruq va juda iliq ob-havo bo‘lishi kutilmoqda. Kuning o‘rtasiga kelib havo 20-25 daraja iliqqacha isiydi. Faqat kechga tomon ba’zi joylarda yomg‘ir boshlanadi, momaqaldiroq bo‘lishi mumkin. Respublikada shamol tezligi 17-22 metr/sekundgacha, ayrim joylarda esa 23-28 metr/sekundgacha kuchayishi kutilmoqda.

20-mart kuni havo massalarining kirib kelishi O‘zbekistonning barcha hududlariga tarqaladi. Ko‘pchilik tumanlarda vaqti-vaqti bilan yomg‘ir yog‘adi, ba’zi joylarda kuchli bo‘ladi. Faqat Qoraqalpog‘istonda, Xorazm viloyatida va Farg‘ona vodiysida yog‘ingarchilik kutilmaydi. Harorat 10-15 daraja iliqqacha pasayadi. Ba’zi joylarda shamol 17-22 metr/sekundgacha kuchayadi.

21-mart kuni Farg‘ona vodiysi viloyatlarida momaqaldiroq bilan yomg‘ir yog‘adi. Respublikaning qolgan hududlarida yog‘ingarchiliksiz ob-havo bo‘lishi kutilmoqda, faqat Qoraqalpog‘istonda, Xorazm viloyatida ba’zi joylarda biroz yomg‘ir yog‘ishi mumkin. Toshkent viloyatida esa yomg‘ir faqat kechasi va ertalab yog‘ishi mumkin.

22-mart kuni respublikaning barcha hududlarida (shimoliy hududlardan tashqari) havo iliq va quruq bo‘ladi.

Havo harorati 21—22-mart kunlari 15-20 daraja iliqqacha ko‘tariladi.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi