Самарқанд вилояти ИИБ ЙҲХБ ходимлари томонидан вилоятда карантин қоидаларига риоя қилиш бўйича тарғибот тадбирлари олиб борилмоқда, деб хабар беради ИИВ ЙҲХББ ахборот хизмати.
Маълум қилинишича, тарғибот тадбирлари давомида йўлларда ҳаракатланаётган ҳайдовчи, йўловчи ва пиёдаларда тиббий ниқоблар тарқатилмоқда. ЙПХ инспекторлари томонидан ниқоб тақмаган ҳайдовчиси бор машиналар, шунингдек, ниқобсиз йўловчилари бор жамоат транспортлари тўхтатилиб, уларга карантин қоидаларини бузмаслик бўйича тушунчалар берилган.
Аввалроқ Ўзбекистоннинг қатор вилоятларида карантин қоидаларини бузганларни жавобгарликка тортиш ҳолатлари кўпайгани тўғрисида хабар берилганди. Маълумотларга кўра, сўнгги уч сутка ичида Ўзбекистонда карантин қоидаларини бузган 947 киши жавобгарликка тортилган.
Мавзуга доир:
Изоҳ (0)