Футбол бўйича Европа Чемпионлар Лигасининг 1/8 финал жавоб баҳсидан ўрин олган икки ўйин 16 март, сешанба куни бўлиб ўтди.
«Реал» ўз майдонида «Аталанта»ни қабул қилди ва йирик ҳисобда ғалаба қозонди. Дастлаб 34-дақиқада Карим Бензема ҳисобни очди. 60-дақиқага келиб эса Серхио Рамос 11 метрлик жарима зарбасини голга айлантирди. Шундан сўнг Луис Муриэль 83-дақиқада жарима зарбасидан қойилмақом гол киритиб, ҳисобни қисқартирди. Аммо орадан икки дақиқа ўтар-ўтмас, Марко Асенсио ўйинга якуний нуқтани қўйиб берган голни урди: «Реал» — «Аталанта» 3:1. Шу тариқа Мадрид клуби икки ўйин натижасига кўра (4:1) бергамоликлардан устун келди.
«Манчестер Сити» ва «Боруссия М» жамоалари ўртасидаги жавоб ўйини инглиз клубининг ғалабаси билан тугади. «Шаҳарликлар»га ғалаба келтирган ҳар иккала гол ҳам биринчи бўлимда киритилди. Голларга Кевин де Брюйне (12) ва Илкай Гундўғон (18) муаллифлик қилди.
Шу тариқа «Реал» ва «Манчестер Сити» Чемпионлар Лигаси чорак финалининг навбатдаги иштирокчиларига айланди.
«Реал» — «Аталанта» ва «Манчестер Сити» — «Боруссия М» учрашувларидаги голларни бу ерда кўриш мумкин — видео.
Чемпионлар Лигаси
1/8 финал, жавоб баҳслари16 март, сешанба
«Реал» Испания — «Аталанта» Италия 3:1
Голлар: 1:0 – 34 Бензема, 2:0 – 60, пенальти Рамос, 2:1 – 83 Муриэль, 3:1 – 84 Асенсио.«Реал»: Куртуа, Менди, Рамос (Милитао, 64), Варан, Начо, Вальверде (Асенсио, 82), Кроос, Васкес, Модрич, Винисиус Жуниор (Родриго, 69), Бензема.
«Аталанта»: Спортелло, Гозенс (Иличич, 57), Толои (Паломино, 61), Гимшити, Меле, Малиновский, Пессина (Калдара, 84), Пашалич (Сапата, 46), де Рон, Ромеро, Муриэль (Миранчук, 84).
Огоҳлантиришлар: Вальверде (39), Толои (58), Начо (73), Кроос (77).
Дастлабки ўйин — 1:0
«Манчестер Сити» Англия — «Боруссия М» Германия 2:0
Голллар: 1:0 – 12 де Брюйне, 2:0 – 18 Гундўғон.«Манчестер Сити»: Эдерсон, Жоау Канселу (Зинченко, 64), Стоунз, Уокер, Рубен Диаш (Лапорт, 70), Фоден, Бернарду Сильва (Агуэро, 75), де Брюйне, Гундўғон (Стерлинг, 70), Маҳрез, Родри (Фернандиньо, 63).
«Боруссия М»: Зоммер, Гинтер, Бенсебайни (Вендт, 88), Эльведи (Янчке, 88), Лайнер, Ҳофманн, Нойҳаус, Закария, Штиндль (Траоре, 80), Эмболо (Вольф, 65), Тюрам (Плеа, 65).
Огоҳлантиришлар: Жоау Канселу (55), Лайнер (61), Фернандиньо (82).
Дастлабки ўйин — 2:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)