Футбол бўйича Ўзбекистон Суперлигасининг 2-турида «Бунёдкор» 16 март, сешанба куни «Металлург» майдонига сафар қилди.
Беллашувда тезкор гол ўйин тақдирини ҳал қилди. 5-дақиқада Шаҳзодбек Нурматов «Бунёдкор» дарвозасини ишғол этиб, бекободликларни ҳисобда олдинга олиб чиқди. Шундан сўнг жамоалар ҳар қанча уринмасин дарвозаларга бошқа тўп киритилмади.
Шу тариқа биринчи турда мағлубиятга учраган «Металлург» мавсумдаги дастлабки ғалабасини қўлга киритди.
2-турдан кейин мусобақа жадвали қуйидагича кўриниш олди:
Суперлига
2-тур баҳси16 март, сешанба
«Металлург» — «Бунёдкор» 1:0
Гол: 1:0 — 5 НурматовАмалга оширилмаган пенальти: 15 Андреев
«Металлург»: 12. Александр Лобанов, 4. Одилбек Абдумажидов, 8. Саламат Қутибоев, 10. Шаҳзодбек Нурматов (7. Дониёр Нарзуллаев, 50), 14. Аброрбек Тошқўзиев (22.Шаҳзодбек Ғофурбеков, 76), 21. Камолиддин Тожиев, 27. Ихтиёр Тошпўлатов (48. Дилшод Раҳматуллаев, 80), 28. Станислав Андреев, 34. Евгений Макеев, 55. Акбар Исматуллаев, 98. Дамир Темиров.
«Бунёдкор»: 1. Равшан Ягудин, 4. Давронжон Эргашев, 7. Суннатулла Абдуллажонов (22. Шаҳбоз Эркинов, 81), 8. Санжар Рашидов (9. Фаррух Икромов, 65), 10. Хуршид Ғиёсов, 13. Лутфулла Тўраев (34. Суҳроб Иззатов, 60), 17. Одилжон Абдураҳмонов 19. Нурилло Тўхтасинов, 26. Улуғбек Абдуллаев, 30. Абдулла Абдуллаев, 49. Иброҳим Томива.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)