Futbol bo‘yicha Yevropa Chempionlar Ligasining 1/8 final javob bahsidan o‘rin olgan ikki o‘yin 16-mart, seshanba kuni bo‘lib o‘tdi.
“Real” o‘z maydonida “Atalanta”ni qabul qildi va yirik hisobda g‘alaba qozondi. Dastlab 34-daqiqada Karim Benzema hisobni ochdi. 60-daqiqaga kelib esa Serxio Ramos 11 metrlik jarima zarbasini golga aylantirdi. Shundan so‘ng Luis Muriel 83-daqiqada jarima zarbasidan qoyilmaqom gol kiritib, hisobni qisqartirdi. Ammo oradan ikki daqiqa o‘tar-o‘tmas, Marko Asensio o‘yinga yakuniy nuqtani qo‘yib bergan golni urdi: “Real” — “Atalanta” 3:1. Shu tariqa Madrid klubi ikki o‘yin natijasiga ko‘ra (4:1) bergamoliklardan ustun keldi.
“Manchester Siti” va “Borussiya M” jamoalari o‘rtasidagi javob o‘yini ingliz klubining g‘alabasi bilan tugadi. “Shaharliklar”ga g‘alaba keltirgan har ikkala gol ham birinchi bo‘limda kiritildi. Gollarga Kevin de Bryuyne (12) va Ilkay Gundo‘g‘on (18) mualliflik qildi.
Shu tariqa “Real” va “Manchester Siti” Chempionlar Ligasi chorak finalining navbatdagi ishtirokchilariga aylandi.
“Real” — “Atalanta” va “Manchester Siti” — “Borussiya M” uchrashuvlaridagi gollarni bu yerda ko‘rish mumkin — video.
Chempionlar Ligasi
1/8 final, javob bahslari16-mart, seshanba
“Real” Ispaniya — “Atalanta” Italiya 3:1
Gollar: 1:0 – 34 Benzema, 2:0 – 60, penalti Ramos, 2:1 – 83 Muriel, 3:1 – 84 Asensio.“Real”: Kurtua, Mendi, Ramos (Militao, 64), Varan, Nacho, Valverde (Asensio, 82), Kroos, Vaskes, Modrich, Vinisius Junior (Rodrigo, 69), Benzema.
“Atalanta”: Sportyello, Gozens (Ilichich, 57), Toloi (Palomino, 61), Gimshiti, Mele, Malinovskiy, Pessina (Kaldara, 84), Pashalich (Sapata, 46), de Ron, Romero, Muriel (Miranchuk, 84).
Ogohlantirishlar: Valverde (39), Toloi (58), Nacho (73), Kroos (77).
Dastlabki o‘yin — 1:0
“Manchester Siti” Angliya — “Borussiya M” Germaniya 2:0
Golllar: 1:0 – 12 de Bryuyne, 2:0 – 18 Gundo‘g‘on.“Manchester Siti”: Ederson, Joau Kanselu (Zinchenko, 64), Stounz, Uoker, Ruben Diash (Laport, 70), Foden, Bernardu Silva (Aguero, 75), de Bryuyne, Gundo‘g‘on (Sterling, 70), Mahrez, Rodri (Fernandinyo, 63).
“Borussiya M”: Zommer, Ginter, Bensebayni (Vendt, 88), Elvedi (Yanchke, 88), Layner, Hofmann, Noyhaus, Zakariya, Shtindl (Traore, 80), Embolo (Volf, 65), Tyuram (Plea, 65).
Ogohlantirishlar: Joau Kanselu (55), Layner (61), Fernandinyo (82).
Dastlabki o‘yin — 2:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)