Вей Вей лақабли узундум яшил тўтиқуш 2021 йилнинг февраль ойи охирида Австралиянинг Брисбейн шаҳридаги The Unusual Pet Vets ветеринар клиникага олиб келинди. Ўша вақтда қушнинг қанотлари кесилган эди. Бу кўпинча қушларнинг учиб кетмаслиги учун амалга оширилади. Аммо Вей Вейнинг эгаси ҳеч қандай ҳисоб-китобсиз патларни кесиб ташлаган ва унга азоб берган.
Шундан сўнг тўтиқуш йиқилиб, оёғидан жароҳат олган. Бундан ташқари, пастки учиш патларининг йўқлиги ҳам қушда оғриқ, қон кетишини келтириб чиқарган.
Қушга ёрдам беришни ўз зиммасига олган шифокор-ветеринар Кетрин Апули клиникaга совға қилинган донор патлар ёрдамида бир соат ичида янги қанотларни ясади. Бунинг учун материал яхшилаб ювилиб, тозаланган ва қуритилган.
Тўтиқушга енгил беҳуш қилувчи восита берилиб, кўчириб ўтиш амалиётига тайёрланган. Қуш эгаси патларнинг асосий қисмини кесиб ташлагани сабабли патлар елимга ёпиштириш керак бўлган. Бундан ташқари, шифокорлар ҳар бир бўшлиқда янги қанотларга куч берадиган ёғоч таёқчалар ҳам ўрнатди.
Жараён якунлангандан сўнг қуш ўзига келгунга қадар бир неча соат давомида палатага ётқизилди. Бироздан сўнг шифокорлар қанотларни амалда синалганини кўриши учун ҳам тўтиқушга хонада бироз парвоз қилишга имкон берди. Бу эса Вей Вейга катта завқ бағишлади.
Қуш бироз улғайса, унда табиий қанот ўсиб чиқади. Кўчирилган патлар эса ўзиники билан алмаштирилади. Шу билан бирга, унга кўчирилган патлар тушиб қолса, у донор патлардан хавфсиз равишда эркин фойдаланиши мумкин.
Мавзуга доир:
- Рига ҳайвонот боғига ташриф буюрувчилар орқаси билан иссиқ полда ётган кенгурунинг соғлиғидан хавотирланиб, полиция чақирди
- Америкалик эр-хотин уйини қўриқлашни хўрозга ишониб топширди. Парранда ўта масъулиятли чиқиб қолди (видео)
- АҚШда ҳеч ким боқиб олишни хоҳламаган ит янги эгасининг ҳаётини сақлаб қолди (видео)
Изоҳ (0)