Latviya poytaxti Rigada joylashgan hayvonot bog‘ida Kingaru laqabli kenguru o‘z volyerining isitilgan polida — somon va sabzilar qurshovida yotishni yaxshi ko‘radi. Biroq hayvonot bog‘iga tashrif buyuruvchilar ushbu hayvon notabiiy holatda yotganligi sabab uning sog‘lig‘idan xavotirga tushib, politsiya chaqirdi, deb xabar beradi Esquire.
Kadr: YouTube
Ta’kidlanishicha, politsiya xodimlari bilan suhbatlashgan hayvonot bog‘i ma’muriyati muammoni yechishning bir nechta variantini taklif etgan: polni isitish tizimini o‘chirib qo‘yish, volyerda hayvon uchun stress vaziyatni yuzaga keltirish yoki “tashrif buyuruvchilarning hayvonot bog‘i xodimlarining professionalligi va hayvonlar bilan ishlash bilimiga ishonch bildirishi kerak”.
Hayvonot bog‘i, shuningdek, volyer har kuni tozalanishini, kenguru esa o‘zini yaxshi his qilayotganini ma’lum qilgan. Bundan tashqari, jazirama kunlarda hayvon o‘ziga chuqur kovlab, salqin yerda yotadi.
