Россиянинг «Союз-2» элтувчи ракетаси тарихда биринчи марта янгича рангларга бўялади, деб ёзади Meduza «Роскосмос»га таяниб. У 20 март куни учирилиши режалаштирилган.
«Союз» ракеталарининг анъанавий кул ранг-тўқ сариқ туси — оқ-кўк рангга ўзгартирилади. Давлат корпорациясида қайд этишларича, дизайн Юрий Гагарин коинотга биринчи парвозни амалга оширган «Восток» элтувчи ракетасининг Халқ хўжалиги ютуқлари кўргазмасида турган прототипидан илҳомланган ҳолда яратилган.
Тахминларга кўра, оқ-кўк ранглардаги «Союз»лар камида 2021 йилнинг охиригача парвоз қилади.
«РИА Новости» ёзишича, бунгача «Союз» ракеталари кўп марта қандайдир ҳодисага бағишлаб корпусига расмлар ёпиштирилган ҳолда учган, аммо корпуснинг ранги доим кул ранг-тўқ сариқ бўлиб қолган.
12 апрель куни Гагариннинг коинотга илк парвозига 60 йил тўлади.
«Союз» оиласига тааллуқли ракеталар 1966 йилдан буён ишлаб чиқарилади.
Мавзуга доир:
- Россия иқлимни мониторинг қилувчи сунъий йўлдошни коинотга учирди (видео)
- Бойқўнғирдан «Союз МС-17» учирилди. У илк бор космонавтларни Халқаро космик станцияга уч соатда етказиб боради
- Crew Dragon «Союз»дан яхшироқми? «Роскосмос» инқирозга учрайдими? Энди русларнинг янги кемалари ХКСга учмайдими? — SpaceX муваффақиятидан кейинги космонавтика ҳақида
Изоҳ (0)