Японияда коронавируснинг янги мутацияси аниқланди

Японияда тиббиёт ходимлари Филиппиндан келган эркакда коронавируснинг янги штаммини аниқлади. Бу ҳақда Kyodo News хабар берди.

Мамлакат Соғлиқни сақлаш, меҳнат ва фаровонлик вазирлигининг хабар беришича, 60 ёшли эркак Филиппиндан 25 февраль куни Токио яқинидаги Нарита халқаро аэропортига келган. Ундаги касаллик симптомларсиз кечган.

Унинг аэропортдаги карантин вақтида COVID-19’га топширган тестининг натижаси ижобий чиққан.

Бу «британча», «бразилияча» ва «африкача» штаммларидан фарқ қилувчи коронавируснинг мамлакатда аниқланган биринчи ҳолати ҳисобланади.

Аввалроқ Японияда коронавируснинг «британча» штамми янги ўчоғи аниқлангани, беморлар Сайтама ва Токиода қайд этилиб, улар 40 ёшдан 60 ёшгача бўлган эркак ва аёллардан иборат бўлгани ҳақида хабар берилган эди.

Маълумот учун, Буюк Британияда VUI деб ном берилган коронавируснинг янги штамми билан боғлиқ тўртта ҳолат аниқланди ва умумий ҳолатлар сони ўнтага етди, шулардан еттитаси Англияда, учтаси Шотландияда қайд этилган. Илк иккита ҳолат Буюк Британияда 4 март куни яқинда Антигуада бўлиб қайтган шахсларда кузатилган эди.