Андижон вилояти Хонобод шаҳрида 21 ёшли аёлга зўрлик ишлатиб, унинг телефонини ўғирлаб кетган 19 ёшли йигит ушланди дея хабар қилмоқда Тергов департаменти.
Қайд этилишича, 2021 йилнинг 21 февраль куни соат 03:00 ларда 19 ёшли А.Ғ. ўзганинг мулкини очиқдан-очиқ талон-торож қилиш мақсадида Хонобод шаҳридаги «Бунёдкор» маҳалласи ҳудудида ўзининг таниши 21 ёшли С.Қ.га нисбатан ҳаёти учун хавфли бўлмаган зўрлик ишлатиб, уни таҳқирлаб, ҳақорат қилиб, қайчи билан сочларини қирқиб ташлаган.
Кейин у жабрланувчининг нархи 1 350 000 сўм бўлган Samsung А 10S русумли телефонини талончилик йўли билан қўлга киритиб, ҳодиса жойидан яширинган.
Олиб борилган терговга қадар текширув ҳаракатлари давомида А.Ғ.дан уяли телефон аппарати ашёвий далил тариқасида расмийлаштириб олинган.
Мазкур ҳолат юзасидан Хонобод шаҳар ИИБ ҳузуридаги тергов гуруҳи томонидан А.Ғ.га нисбатан Жиноят кодексининг 166-моддаси 1-қисми (талончилик) билан жиноят иши қўзғатилиб, қамоққа олиш тарзидаги эҳтиёт чораси қўлланилган.
Ҳозирда тергов давом этмоқда, дейилади хабарда.
Бундан аввал Фарғонада ўзганинг уйидан 5000 рубль ва 7 миллион сўмга яқин пулларни ўғирлагани аниқлангани, Самарқандда «романтик оқшом» учун чақирилган қизлар ўсмирнинг уйини тўнаб кетгани ҳамда Тошкентда севган қизига нарса олиб бериш учун телефон ўғирлаган йигит ушлангани ҳақида хабар берилганди.
Изоҳ (0)