SpaceX компаниясининг Starship элтувчи ракетаси прототипи двигателга гелий сизиб чиқиши сабабли портлаб кетди, деб ёзди Илон Маск ўзининг Twitter саҳифасида. Бу ҳақда «РБК» хабар берди.
«Ёқилғи идишидан гелийнинг қисман кириб қолиши туфайли SN10 двигателига қувват етишмади», — деб ёзди Маск Twitter тармоғида. Бу сизиб чиқиш таянчларнинг 10 метр секунд тезликда синишига олиб келди.
SpaceX парвоз синовлари пайтида биринчи марта Starship прототипини қўндиришга муваффақ бўлди. Лекин у қўнганидан кейин дарҳол портлаб кетди. Бунгача двигателдаги муаммолар туфайли ишга тушириш қолдирилган эди.
Reuters ёзишича, бу Starship қўнишга муваффақ бўлган биринчи ҳолатдир, бунгача барча намуналар двигатель ишга туширилганидан кейин ёки уларни қўндиришга уриниш пайтида портлаган.
Ҳалокатдан кейин Маск Twitter’да ракета прототипининг «эсон-омон» қўнганини ёзган эди.
Starship ташувчи ракетаси Марс ва Ойга юкларни етказиб бериш ва Ерга қайтиш учун мўлжалланган. Ракета прототипи синов пайтида бир неча бор портлаб кетди.
Аввалроқ Space Х бутун дунё бўйлаб интернет алоқасини яхшилаш ва кенгайтиришга қаратилган дастур асосида бортида 60 та сунъий йўлдош бўлган ракетани учирган эди.
Изоҳ (0)