Xiaomi компанияси Redmi Note 10’ни тақдим этди: AMOLED экранга эга ҳамёнбоп смартфонлар

Янги линейкада бир вақтнинг ўзида учта ўрта даражадаги смартфон — Redmi Note 10, Note 10 Pro ва Note 10 Pro Max пайдо бўлди, деб ёзади Hi-Tech.Mail.ru.

Redmi Note 10 линейкадаги энг арзон смартфонга айланди. Унга Full HD+ сифатни қўлла-қувватловчи 6,43 дюймли Super AMOLED-матрица ўрнатилган бўлиб, унинг энг юқори ёрқинлиги 1100 нитни ташкил этиши айтилмоқда. Қурилма корпуси шишадан ишланган, бармоқ изи сканери эса корпуснинг ён томонига жойлаштирилган.

Смартфонда тўртта камера мавжуд — 48 мегапикселли асосий, кенг бурчакли 8 Мп, чуқурликни ўлчовчи 2 Мп ва яна 2 мегапикселли сенсорга эга алоҳида макро-объектив. Олд томонидан 13 мегапикселли стандарт фронтал камера ўрин олган.

Процессор сифатида Qualcomm линейкасидаги ўрта даражали Snapdragon 678’дан фойдаланилган. Хотиралар жамланмаси ҳам стандарт — 4/6 ГБ тезкор LPDDR4X ва 64/128 ГБ ички USD 2.2. Шу билан бирга, смартфон 33 ватли тезкор қувватланиш имкониятига эга сиғими 5000 мА/соатга тенг аккумулятор билан жиҳозланган.

Redmi Note 10 Pro ва Note 10 Pro Max кўплаб жиҳатлари билан анча илғор моделларга айланган. Уларга Full HD+ сифатни қўлла-қувватловчи ва 120 герц янгиланиш частотасига эга 6,6 дюймли Супер AMOLED-дисплейлар ўрнатилган иккала моделнинг ҳам дизайни бир хил, бармоқ изи сканерлари ён томонида жойлашган.

Қолган жиҳатлари билан Note 10 Pro ва Note 10 Pro Max бир хил, фақат асосий камерасидан ташқари. Моделларнинг биринчисига 64 Мп ўрнатилган бўлса, иккинчисида — 108 Мп (Isocell HM2 сенсори). Қолган учта камералар бир хил: 8 мегапикселли кенг бурчак, чуқурликни ўлчовчи 2 мегапикселл ва 5 мегапикселли макро.

Смартфонлар IP52 стандарти бўйича чанг ва намликдан ҳимояланган — сув остида туришга бардошли эмас, бироқ ёмғирдан қўрқмайди. Шунингдек, техникаларни бошқариш учун стереодинамик ва инфрақизил порт ўрнатилган.

Иккала смартфон ҳам Snapdragon 732G процессорида ишлайди. Тезкор хотираси 6 ёки 8 ГБ, ички хотираси эса 64/128 ГБ бўлиши мумкин. Аккумулятор сиғими 5020 мА/соат бўлиб, 33 ваттли тезкор қувватланиш фунскиясига эга. Жамланмадан қувватлантиргич ўрин олган ёки олмаганига аниқлик киритилмаган.

Redmi Note 10 линейкаси ҳозирча фақат Ҳиндистон бозори учун тақдим этилган бўлиб, нархлари қуйидагича:

• Redmi Note 10 — 11 999 ҳинд рупийси (164 АҚШ доллари);
• Redmi Note 10 Pro — 15 999 рупийси (220 АҚШ доллари);
• Redmi Note 10 Pro Max — 18 999 рупийси (260 АҚШ доллари).