Omdia tahliliy kompaniyasi 2020-yil yakunlari bo‘yicha dunyo bo‘ylab yetkazib berilgan smartfonlarga oid hisobotini e’lon qildi, deb xabar beradi Hi-Tech.Mail.ru.

Foto: Hi-Tech.Mail.ru

Eng ko‘p yetkazib berilgan smartfonlar qatoridan Apple, Samsung va Xiaomi modellari o‘rin olgan, biroq ro‘yxat yetakchisi iPhone 11 — bozorga u 64,8 million nusxada ishlab chiqarilgan. Ushbu modeldan oldingi smartfon — iPhone XR ham 2019-yilda shu kabi reytingga boshchilik qilgandi.

Ikkinchi va uchinchi o‘rinlar ham Apple’ga nasib etgan, umumiy hisobda iPhone’lar reytingning besh pog‘onasini egallagan. Apple qurilmalari ortidan Galaxy A51 joylashgan.

Top 10 ro‘yxat:

  • iPhone 11 — 64,8 million;
  • iPhone SE (2020) — 24,2 million;
  • iPhone 12 — 23,3 million;
  • Galaxy A51 — 23,2 million;
  • Galaxy A21s — 19,4 million;
  • Galaxy A01 — 16,9 million;
  • iPhone 12 Pro Max — 16,8 million;
  • Galaxy A11 — 15,3 million;
  • Redmi Note 9 Pro — 15 million;
  • iPhone 12 mini — 14,8 million.

Qiziq jihati, yetkazib berilgan iPhone 12 mini’lar soni iPhone 12 Pro’dan ko‘proq, ammo savdo natijalariga oid hisobotda kichik model u qadar yuqori emas. iPhone 12 Pro Omdia’ning yetakchi smartfonlar qatoridan joy olmagan.

Avvalroq smartfonlar “kushandasi” 2020-yilning eng mustahkam modeli nomini e’lon qilgani to‘g‘risida xabar berilgandi.