Xiaomi kompaniyasi Redmi Note 10’ni taqdim etdi: AMOLED ekranga ega hamyonbop smartfonlar

Yangi lineykada bir vaqtning o‘zida uchta o‘rta darajadagi smartfon — Redmi Note 10, Note 10 Pro va Note 10 Pro Max paydo bo‘ldi, deb yozadi Hi-Tech.Mail.ru.

Redmi Note 10 lineykadagi eng arzon smartfonga aylandi. Unga Full HD+ sifatni qo‘lla-quvvatlovchi 6,43 dyuymli Super AMOLED-matritsa o‘rnatilgan bo‘lib, uning eng yuqori yorqinligi 1100 nitni tashkil etishi aytilmoqda. Qurilma korpusi shishadan ishlangan, barmoq izi skaneri esa korpusning yon tomoniga joylashtirilgan.

Smartfonda to‘rtta kamera mavjud — 48 megapikselli asosiy, keng burchakli 8 Mp, chuqurlikni o‘lchovchi 2 Mp va yana 2 megapikselli sensorga ega alohida makro-obyektiv. Old tomonidan 13 megapikselli standart frontal kamera o‘rin olgan.

Protsessor sifatida Qualcomm lineykasidagi o‘rta darajali Snapdragon 678’dan foydalanilgan. Xotiralar jamlanmasi ham standart — 4/6 GB tezkor LPDDR4X va 64/128 GB ichki USD 2.2. Shu bilan birga, smartfon 33 vatli tezkor quvvatlanish imkoniyatiga ega sig‘imi 5000 mA/soatga teng akkumulyator bilan jihozlangan.

Redmi Note 10 Pro va Note 10 Pro Max ko‘plab jihatlari bilan ancha ilg‘or modellarga aylangan. Ularga Full HD+ sifatni qo‘lla-quvvatlovchi va 120 gerts yangilanish chastotasiga ega 6,6 dyuymli Super AMOLED-displeylar o‘rnatilgan ikkala modelning ham dizayni bir xil, barmoq izi skanerlari yon tomonida joylashgan.

Qolgan jihatlari bilan Note 10 Pro va Note 10 Pro Max bir xil, faqat asosiy kamerasidan tashqari. Modellarning birinchisiga 64 Mp o‘rnatilgan bo‘lsa, ikkinchisida — 108 Mp (Isocell HM2 sensori). Qolgan uchta kameralar bir xil: 8 megapikselli keng burchak, chuqurlikni o‘lchovchi 2 megapiksell va 5 megapikselli makro.

Smartfonlar IP52 standarti bo‘yicha chang va namlikdan himoyalangan — suv ostida turishga bardoshli emas, biroq yomg‘irdan qo‘rqmaydi. Shuningdek, texnikalarni boshqarish uchun stereodinamik va infraqizil port o‘rnatilgan.

Ikkala smartfon ham Snapdragon 732G protsessorida ishlaydi. Tezkor xotirasi 6 yoki 8 GB, ichki xotirasi esa 64/128 GB bo‘lishi mumkin. Akkumulyator sig‘imi 5020 mA/soat bo‘lib, 33 vattli tezkor quvvatlanish funksiyasiga ega. Jamlanmadan quvvatlantirgich o‘rin olgan yoki olmaganiga aniqlik kiritilmagan.

Redmi Note 10 lineykasi hozircha faqat Hindiston bozori uchun taqdim etilgan bo‘lib, narxlari quyidagicha:

• Redmi Note 10 — 11 999 hind rupiysi (164 AQSh dollari);
• Redmi Note 10 Pro — 15 999 rupiysi (220 AQSh dollari);
• Redmi Note 10 Pro Max — 18 999 rupiysi (260 AQSh dollari).