Футбол бўйича Италия А Сериясининг 25-турида Миланнинг «Интер» клуби 4 март, пайшанба куни «Парма» майдонига сафар қилди.
Дастлаб беллашувнинг 54-дақиқасида Алексис Санчес меҳмонларни ҳисобда олдинга олиб чиқди. Бу голдан 8 дақиқа ўтиб, унинг ўзи «Интер»нинг иккинчи голини киритди. Ушбу голларга «Парма» ярим ҳимоячиси Эрнани Жуниёр ўзининг 71-дақиқадаги голи билан жавоб қайтарди. Шу тариқа «Интер» сафарда 2:1 ҳисобидаги ғалабани қўлга киритди.
Мазкур ғалабадан сўнг Антонио Конте шогирдлари очколари сонини 59 тага етказиб, турнир жадвалида яққол пешқадам бўлиб турибди. Жамоанинг энг яқин таъқибчиси «Милан» 25-турдан сўнг ҳамшаҳаридан 6 очкога ортда қолмоқда. Ўз уйида мағлубиятга учраган «Парма» 25 турда атиги 15 очко тўплаб, 19-ўринда бормоқда.
А Серия
25-тур баҳси
4 март, пайшанба
«Парма»—«Интер М» 1:2
Голлар: 0:1 – 54 Санчес, 0:2 – 62 Санчес, 1:2 – 71 Эрнани.
«Парма»: Сепе, Осорио, Гальоло (Песселла, 66), Бани, Валенти (Бюси, 66), Бругман, Куртич, Ман (Миҳеиле, 46), Куцка (Инглезе, 66), Карамо, Эрнани (Пелле, 85).
«Интер»: Ҳанданович, Бастони, де Врей, Шкриньяр, Ҳакими, Барелла, Перишич (Дармиан, 84), Эриксен (Видаль, 67), Брозович, Санчес (Мартинес, 75), Лукаку.
Огоҳлантириш: Дармиан (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)