Дортмунднинг «Боруссия» клуби ҳужумчиси Эрлинг Ҳоланд Европанинг қатор топ-клублари қизиқишига сабаб бўлмоқда.
Улар қаторида «Манчестер Сити», «Реал», «Манчестер Юнайтед», «Бавария» ва «Челси» каби жамоалар бор.
«Шаҳарликлар» ҳужумчини ёзда жамоа билан шартномаси тугайдиган Серхио Агуэронинг ўрнида кўрмоқда. Мадридликлар эса Ҳоландга Карим Бенземанинг келажакдаги ўринбосари сифатида қарамоқда.
Эрлинг «Реал»га ўтишни истамоқда, бироқ «Манчестер Сити» вариантини кўриб чиқишга ҳам тайёр. «Бавария» ва «Челси» футболчини у қадар кучли қизиқтирмаяпти, дея хабар қилмоқда ESPN.
Норвегиялик футболчининг келажаги «Боруссия»нинг 2020/21 йилги мавсумдаги натижаларига боғлиқ. Агар клуб Чемпионлар Лигасига йўлланма ололмайдиган бўлса, Ҳоланд ўзини трансферга қўйишларини талаб қилади.
20 ёшли форвард Бундеслига 2020/21 йилги мавсумида 18 ўйин ўтказиб, 17 гол ва тўртта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)