Профессионал боксда фаолиятини давом эттираётган Азизбек Абдуғофуров (13-0, 5 КО) супер ўрта вазн тоифаси WBC Silver камари ҳимояси учун навбатдаги жангини ўтказади.
Ўзбекистонлик боксчига россиялик Павел Силягин (6-0, 4 КО) рақиб бўлади. Чемпионлик камари учун кечадиган жанг 20 март куни Россиянинг Москва шаҳрида бўлиб ўтади.
Ушбу бокс кечасининг марказий жангида россиялик Артур Бетербиев (15-0, 15 КО) Германия вакили Адам Дайнесга (19-1-1, 10 КО) қарши жанг қилади.
Абдуғофуров сўнгги жангини 2019 йилнинг 24 августида Гасан Гасановга (16-8-1) қарши ўтказган ва унда рақибини 4-раундда нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)