Футбол бўйича Европа Чемпионлар Лигасининг 1/8 финал босқичи дастлабки учрашувлари доирасида навбатдаги икки ўйин 23 февраль, сешанба куни бўлиб ўтди.
Мюнхеннинг «Бавария» клуби «Лацио» майдонига сафар қилди. Беллашувда немислар италияликларга имконият қолдирмади. Учрашувнинг 9-дақиқасида Роберт Левандовски «Бавария»ни ҳисобда олдинга олиб чиқди. 24-дақиқада 17 ёшли Жамал Мусиала ҳисобни оширган бўлса, 42-дақиқада Лерой Сане мюнхенликларнинг 3-голини киритди.
Иккинчи бўлимнинг бошида Франческо Ачерби ўз дарвозасини ишғол қилиб, ҳисобни яна ҳам йирик кўринишга келтирди. Ушбу голдан икки дақиқа ўтиб Хоакин Корреа «Лацио»нинг ўйиндаги ягона голига муаллиф бўлди.
Мадридда «Атлетико» Лондоннинг «Челси» клубини қабул қилди. Беллашув тенг курашлар остида кечди. Учрашувнинг 68-дақиқасида Оливье Жиру қайчи услубида зарба бериб ҳисобни очди. Мазкур гол ўйин сўнгига қадар ягоналигини сақлаб қолди. Натижада Томас Тухель шогирдлари сафардан ғалаба билан қайтадиган бўлди.
Мазкур жуфтликлар ўртасидаги жавоб учрашувлари 17 март куни бўлиб ўтиши режалаштирилган.
Чемпионлар Лигаси
1/8 финал, дастлабки учрашувлар
23 февраль, сешанба
«Лацио» Италия — «Бавария» Германия 1:4
Голлар: 0:1 – 9 Левандовски, 0:2 – 24 Мусиала, 0:3 – 42 Сане, 0:4 – 47, автогол Ачерби, 1:4 – 49 Корреа.
«Лацио»: Рейна, Ачерби, Мусакко (Лулич, 31), Габаррон (Ҳудт, 53), Лаццари, Лейва (Эскаланте, 53), Марушич, Луис Альберто (Акпа-Акпро, 81), Милинкович-Савич (Каталди, 81), Корреа, Иммобиле.
«Бавария»: Нойер, Зюле, Алаба, Боатенг, Дэвис, Киммих, Мусиала (Шупо-Мотинг, 90), Сане (Сарр, 90), Горетцка (Хави Мартинес, 63), Коман (Люка Эрнандес, 75), Левандовски.
Огоҳлантиришлар: Луис Альберто (28), Лейва (51), Корреа (57), Марушич (65), Эскаланте (69), Киммих (72), Коман (75).
«Атлетико М» Испания — «Челси» Англия 0:1
Гол: 0:1 – 68 Жиру.
«Атлетико»: Облак, Фелипе, Савич, Эрмосо (Витоло, 84), Коке, Лемар, Сауль (Торрейра, 82), Корреа (Дембеле, 82), Лоренте, Жоау Феликс (Лоди, 82), Суарес.
«Челси»: Менди, Рюдигер, Аспиликуэта, Кристенсен, Алонсо, Ковачич (Зиёш, 74), Жоржиньо, Маунт (Канте, 74), Ҳадсон-Одои (Жеймс, 80), Вернер (Пулишич, 87), Жиру (Ҳаверц, 87).
Огоҳлантиришлар: Маунт (1), Льоренте (63), Жоржиньо (64), Лемар (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)