Енгил вазн тоифасида ҳаракат қилувчи UFC жангчиси Тони Фергюсон (25-5) навбатдаги жангини Майкл Чендлерга (22-5) қарши ўтказади.
Хабар қилинишича, бу жанг Абу-Дабидаги «Жангчилар ороли»да 3 апрель куни бўлиб ўтадиган UFC кечасининг асосий воқеаси бўлади.
Ҳозирча шартнома имзоланмаган, бироқ спортчилар жангга розилик берган.
Тони UFC’даги сўнгги икки жангида мағлубиятга учради. 2020 йилнинг май ойида енгил дивизион вақтинчалик камари учун кечган жангда Жастин Гэтжига ютқазган яккакурашчи декабрда Чарльз Оливейрага таслим бўлди.
Bellator’нинг кўп карра чемпиони Чендлер эса 2021 йилнинг январида UFC’даги дебют жангида енгил дивизион етакчиларидан бири Ден Ҳукерни биринчи раунддаёқ нокаутга учратди.
Изоҳ (0)