Бугун,

  • USD 11014.01
  • RUB 191.8
  • EUR 10674.78

Россияда октябрь ойининг бошидан бери биринчи марта коронавирус билан касалланганларнинг кунлик кўрсаткичи 12 минг кишидан пастга тушди. Бу ҳақда «РБК» хабар қилди.

Фото: «РИА Новости»

Фото: «РИА Новости»

Маълум қилинишича, бир суткада 417 киши вафот этган. Ўтган сутка давомида Россияда коронавирус билан касалланган 11,8 минг киши аниқланган. Бу 8 октябрдан бери аниқланган энг минимал кўрсаткич ҳисобланади. Ўша кунда мамлакатда 11,4 минг фуқарода коронавирус қайд этилган.

Касалликка чалинганларнинг энг кўп қисми Москва (1198 киши), Санкт-Петербург (913), Москва вилояти (732) ҳамда Нижний Новгород вилоятида (409) қайд этилган.

Россиядаги коронавирус бўйича тезкор штаб маълумотларига кўра, пандемия бошланганидан бери мамлакатда 4,1 миллион кишига коронавирус ташхиси қўйилган.

Қайд этилишича, мамлакатда коронавирус қурбонларининг умумий сони эса 84 минг кишидан ошган. Бу ҳисоботга ўлимига асосий сабаб коронавирус бўлганлар киритилган.

Агар COVID-19 билан боғлиқ бўлган барча ўлимлар ҳисобга олинса, қурбонлар сони кўпроқ бўлади. «Росстат» маълумотларига кўра, 2020 йил апрелдан декабргача Россияда коронавирус билан боғлиқ 162,2 минг ўлим қайд этилган.

Бундан аввал Россияда COVID-19’нинг «британча» штаммини аниқлайдиган тест рўйхатдан ўтказилгани, мамлакатда одамга H5N8 парранда гриппи юқиши билан боғлиқ биринчи ҳолат тасдиқлангани ҳамда Россияда COVID-19’га қарши учинчи вакцина рўйхатдан ўтказилгани ҳақида хабар берилганди.

Изоҳ
Асосий янгиликлар